Proverbios 25:3 - La'qaatqa ñi qota'olec Qota'olec & Qota'olec Novita Na Qomyipi

³ Da lishicshi'ma na piguim, da lishigui'ña na 'laua chaqai da la'deenataxanaxac na nashillipi, da'maxare se qaique'guenejlec qaỹovira'a qaỹa'den.

Proverbios 25:3 Iomraidhean Croise

1 Reyes 4:29

Ca' ñi qota'olec ỹaanem so Salomón da 'xoic na'deenaxanaxa, qaiyi qaica ca qalaneguelec chaqai qaica 'nejem da la'deenataxanaxac mashic huaañi 'ec na lo'uaxanaxa quena lahi ana huaaxai.

Salmos 103:11

chalego lecaic dá'maq le'xorenataxanaxa quená'maq imaqachin ñi'maxare, da'maxare 'ec paguec lishicshi'megue quena piguim quena 'laua.

Proverbios 25:2

Da lecaic ñi qota'olec hueetagui nqai'en ca se re'xogui, chaqai nemaqajnataxanaxa quena nashillipi quecá'maq ỹovirau'a ỹa'xat ca'maxare.

Proverbios 25:4

No'm qanaqat na lishile na lecat plata, ca cá'maq ỹo'ueetac na'maxare ishit ỹo'uet aca 'taxaqui;

Isaías 7:11

—Shiila'e' ñi qara'gaxala' qota'olec quiyim ỹo'uet ca se qaiuanapega, qaiyi ca' chi retanqui', no'm pa'aañi quena lauajñi na 'laua, loqo'm pa'aashiguim quena piguim.

Romanos 8:39

loqo'm na hueeto'ot na piguim loqo'm na pa'aañi, chaqai qaica cá'maq liỹa quena lo'ueenatec ñi qota'a ishit ỹoỹoote'ogalo qomi' queda le'xorenataxanaxa ñi'maxare, chicqochigui nqai'en so Cristo Jesús só'maq qara'gaxala'.

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.