Proverbios 25:2 - La'qaatqa ñi qota'olec Qota'olec & Qota'olec Novita Na Qomyipi

² Da lecaic ñi qota'olec hueetagui nqai'en ca se re'xogui, chaqai nemaqajnataxanaxa quena nashillipi quecá'maq ỹovirau'a ỹa'xat ca'maxare.

Proverbios 25:2 Iomraidhean Croise

2 Samuel 1:5

—¿Qam negue' cá'maq 'neeto' quiyim 'yiiñi' qaỹalauate' ca Saúl chaqai ca Jonatán? —'naaco' so David quesó'maq nelaatec quiyim nodo so la'xaỹaxac.

Esdras 5:17

Ca' nagui, ca no'm 'maxariñite', qami' qarashi, ca qomi' sahoqotaque quiyim qaimichigui na lerellipi quená'maq hueetalec ná'maq qaỹo'uet quena Babilonia, chaqai qarenataxanegue quiyim llic so nashi Ciro relaataxanlec quiyim liỹa qano'xonshiguim añi no'ueenaxanaxaqui quiñi qota'olec quiyi Jerusalén. Ca' vite ca qara'xaỹaxac, qami' qarashi, chaqai cá'maq 'neeta ca ra'deenataxanaxaqui' ma'le quedá'maq shinqac.

Esdras 6:1

Ca co'na'le, ca' so nashi Darío relaataxanlec quiyim qaidaanaque queso lerellipi quesó'maq hueetalec ná'ogue ná'maq qaỹo'uet quiyi Babilonia.

Job 38:4

¿Nega'ỹo' ca vi'sa'gue na' so'ueetetac na 'laua? ¡Choxochi' no'm llic 'ue ca 'yiiñi'!

Job 42:3

¿Negue' quet ná'maq ỹim queta' se se'taxajñi da rcochaxaqui' quená'ogue? 'Ec ñichoxotari' quiyim qaica ca sa'den. Ma' ỹim sa'xatetac ná'maq se sa'den, ná'maq leloxoỹaxaquipi qaica nqai 'nejem se sa'den cá'maq leloxoỹaxac.

Proverbios 25:27

Se no'uen quiyim 'xoic ca qaỹa'ic quena rapic li'i, qam chalego loyac quiyim qaimitaque ca leloxoỹaxac ná'maq 'xoic ca lqalaic.

Proverbios 25:3

Da lishicshi'ma na piguim, da lishigui'ña na 'laua chaqai da la'deenataxanaxac na nashillipi, da'maxare se qaique'guenejlec qaỹovira'a qaỹa'den.

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!