Proverbios 24:9 - La'qaatqa ñi qota'olec Qota'olec & Qota'olec Novita Na Qomyipi

⁹ Dá'maq na'deenaxac cá'maq qaica ca ỹa'den, ca chaqaida da nasauaxaset; qaica ca ishit na'ñaxachiguit cá'maq i'neetac ca liỹa.

Proverbios 24:9 Iomraidhean Croise

Génesis 6:5

Ca ñi qara'gaxala' qota'olec co'na' ỹa'ajantac quiyim paguec se no'uen da loic na qomyipi quena 'laua, ma' na'maxare ỹaatqajam queetalec quiyim ỹa'deentaque ỹo'uet ná'maq se no'uen.

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Proverbios 23:7

ma' 'ec ca qoue cañi noqosote: ca'maxare roỹaxañiraxaua' quiyim qui'i' chaqai ni'chi', qam chi ri'guiñi'sac;

Proverbios 24:8

Cá'maq qaicaatam qam ỹa'deentaque ỹo'uet ca se ỹa'maxañi, ca' 'ue da lichoxoric quiyim la'axaic lqahic.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Mateo 15:19

Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Mateo 5:28

Qam ỹim shinac caqamiri, quiyim cá'maq nishi'ta aca 'aalo quiyim ra'ỹa'a, ca chaqa'ma' 'ec shi'gue lapa'ñi' aca'maxare cañi le'taxanata.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Hechos 8:22

Lachi' dajo se no'uen caqami', ca repaquira'a, shiila'e' ñi qota'olec, sha'apiguito' sqai caapeguem dá'maq ra'deenataxanaxaqui' hueetagui añi re'taxanata'e'.

2 Corintios 10:5

Vichiguiño' qomi' seuagaxatqac ná'ogue nanchaqaina nasauaxaseteripi chaqai canchaqaica maqajnaxac quiyim ỹahotaque se qaỹa'den ñi qota'a. Chaqai ná'ogue ná'maq chi la'deenataxanaxac na qom saanqot so Cristo, qaiyi qana'xaỹaxana so'maxare.