Proverbios 24:21 - La'qaatqa ñi qota'olec Qota'olec & Qota'olec Novita Na Qomyipi

²¹ Maqachiñi' ñi qota'olec chaqai ñi nashi, qami' ỹaalcolec; totaxan lapoisa'piguit na npa'guenaxauaripi,

Proverbios 24:21 Iomraidhean Croise

2 Samuel 18:8

Ca' so lauataxac huaguelec na'le yi 'laua, qam queco'na'le, ca paguec só'maq lalauatec so 'oochi quesó'maq chaqai qom lalauatec.

1 Reyes 1:49

Ca' só'maq lqui'ỹaxauaripi so Adonías i'loxolqachit dajo. Ime, ca' sá'ogue ne'laxashiguim, ca' quiñi 'óna ỹaatqata quecá'maq taigue.

1 Reyes 12:16

Ca co'na' sá'ogue so ỹalliripi quesó'maq llaalqaipi so Israel, co'na' ỹa'den quiyim so nashi se na'xaỹaxan quedá'maq qohinta'pegue, ca' so qomyipi 'naaco': ¡Qomi' sqa saaqapegueu'a so David! ¡Se salecqau'a dá'maq lesallaxa qano'ueenaqta'guit só'maq llaalec so Isaí! ¡Qomi' llaalqaipi so Israel qolaxauo quenaua qara'aate'! ¡Ca' so David chi cochiỹa ná'maq chaqai llaalqaipi! Ca co'na'le, ca' so Israel llaalqaipi quepegueto nauá'maq chi la'aate'.

Éxodo 14:31

Ca' so Israel llaalqaipi na' iuanchigui da chalego lecaic lquesaxanaxa ñi qara'gaxala' quedá'maq 'ne'tegue queso Egipto laseripi. Ca' só'maq Israel llaalqaipi ỹa'dooto naua le'cootal ñi qara'gaxala'. Ca' queco'na'le, ca' ỹaatqajam qoyiuejlec ñi qara'gaxala' chaqai so lelaatec Moisés.

Proverbios 23:17

Totaxan pa'guiñisa'a na sauaqhuaiquipi; qaidaata quiyim maqachiñi'sac ñi qara'gaxala';

Mateo 22:21

Ca saua'maxare 'neraco': —Lashic ñí'maq lashi na Roma laseripi. Ca' so Jesús 'naaco' quesaua'maxare: —'Ỹaañim cá'maq lalamaxaret ñí'maq lashi na Roma laseripi, chaqai 'ỹaañim ñi qota'olec cá'maq lalamaxaret ñi qota'olec.

Tito 3:1

No'uenaxanaxañitegue ná'maq mashic icoñiguit da na'qaatec quiyim se napacalec ná'maq nashillipi leta'allipi chaqai na lotauaripi. Ta'ta'a quiyim na'xaỹaxane'ta chaqai quiyim se resalla'ñiguit quiyim ỹo'uet canchaqaica no'uen no'ueenataxanaxac.

1 Samuel 24:6

Ca 'naaco' queso nalliripi: —¡Ñi qara'gaxala' yotauan quiyim qaica ca shine'tegue ñi ỹa'gaxala' nashi! Ma' ¡ñi'maxare nashi, ma' ỹaatqajam lca'acsec ñi qara'gaxala'!