Proverbios 24:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ ma' 'eno'm siete huaañi, qam qaiyiita canchaqai ỹote' ne'laxashiguim; qam na hualoxonyipi iyinñigui ma'le da le'xoric.

Proverbios 24:16 Iomraidhean Croise

Génesis 19:35

Ca' queso pe lotqai ne'taxane' so leta'a'. Ime, ca' eec aso na'aasa lotqai lapa'ñi' so'maxare, qam so Lot qaiyiita se nauate co'na' lapaata'ñi' aso'maxare chaqai co'na' ne'laxashiguim aso'maxare.

Ester 7:10

Ca' chaqaida 'neeto' na'le so Amán na' qaicoñijshi'megue asó'maq chi ỹa'maxatetañi quiyim ỹahotaque coñijshi'megue so Mardoqueo. Ca' queda, ca tauco' so lauel so nashi.

Job 5:19

Chaqai ỹaatqajam se neme quiyim ro'ootaxanteguelec qami' quenaua lichico, chaqai sqai ỹaxanegue quiyim ỹoviro'ot qami' ca se no'uen. (5.20-25 So Elifaz queetalec da letaxaỹaxac queso Job.)

Proverbios 24:22

ma' da le'xoric ne'laqataxanto ma'le, chaqai qaican ỹa'den ma' qaỹouaxan quiñi qota'olec chaqai quiñi nashi.

Amós 8:14

Ná'maq nallitalta' ỹaanec da la'qaatec quena nqolaquipi quiyi Samaria, ná'maq 'naac: Spi'ỹa'a ñi nashiilec na'ñi yi Dan, loqo'm 'naac: Spi'ỹa'a na nashiilqaipi nqolaquipi quiyi Beerseba, na'maxare huaañi ma'le, ca' tot ne'laxashiguim.

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

1 Tesalonicenses 5:3

Ma' na qomyipi 'ne'teguesa' da la'qaatec: “Quená'ogue sqaicanqaida chaqai sqaica ca qaỹouetaque”, ca' novita ma'le ca nouaxanaxaset chalego lecaic chi ne'laqataxanto, 'nejem ca nqui'ic caca 'aalo quiyim ỹovita ca laloqo' quiyim co'o. Ca' qaica ca qohit.

1 Samuel 31:4

Ca 'naaco' na'le queso lo'goxonaxat lo'o: —No'viiquirishiguim na lecachi', ca' ya'yirac, qaiyi mesqaina najo ỹalliripi chi nqouagaxaintacot na nqolac ná'maq yalauat, ca' yiualaxaintac. Qam so lo'goxonaxat lo'o se na'xaỹaxana, ma' no'chi. Ca co'na'le, ca' so Saúl no'viicshiguim so chi lecat, ca' nqa'paxanlec, ca' chi nalauatalta'.