Proverbios 24:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' chaqaida 'neetari' nqai'ñi' da lo'daxa da na'deenaxanaxa quiyim 'ue ca 'yiiñi'; no'm nachita, ca no'uen lqodoc aca rqauaxagui'i' ma'le chaqai se ỹauana ishit ỹapalaxat da naquitaxaqui'.

Proverbios 24:14 Iomraidhean Croise

Proverbios 22:18

Chalego la'maxa caqami' ma'le no'm sqai 'laxachite 'yiiñisapegalo, chaqai shichi' quiyim pila'gue cá'ogue 'xachi'.

Proverbios 23:18

qaiyi ma'le, ca' no'uen ca lqodoc aca rqauaxagui'i', chaqai qaica ỹapalaxatac da naquitaxaqui'.

Jeremías 15:16

Quena' taqaita aỹim, ca' ña'xaỹaxane'ta dá'maq ra'qaachiqui'; chaqaida dá'maq la'maxa iuel chaqai netoonaxac añi i'taxanata, ma' ỹim ralamaxarichi', qami' ỹa'gaxala' chaqai qota'olec qaica ca lqalanec.

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Santiago 1:25

Qam cá'maq se coua'e da na'xaỹaxanaxac, ta'ta'a quiyim ỹaatqajam ra'ijlec dá'maq 'maxaraic naqataxac, dá'maq ỹo'uet quiyim qaica ca qarquepaxat, chaqai quejlec da'maxare, ỹo'ueetetac dá'maq 'naac dajo naqataxac, ca' cajo qom qoỹaanem quiñi qota'a da no'uen llicyaxac quecá'maq ỹo'uet.