Proverbios 24:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qami' ỹaalcolec, a'qui' na rapic li'i ñaqai hueetagui ana lapa; 'guiñi' dá'maq 'neetari' da lo'daxa.

Proverbios 24:13 Iomraidhean Croise

Salmos 19:10

¡ỹaatqajam napacalec ca lesega'a cá'maq ỹaatqajam no'uen 'oro!, ¡paguec lo'daxa queca rapic li'i hueetagui aca lapa!

Proverbios 25:16

No'm huañiterelec ca rapic li'i, 'neeto' paguelec ca 'qui', ma' no'm 'xoic ca 'qui', ca' sqoue resalli'.

Proverbios 25:27

Se no'uen quiyim 'xoic ca qaỹa'ic quena rapic li'i, qam chalego loyac quiyim qaimitaque ca leloxoỹaxac ná'maq 'xoic ca lqalaic.

Cantares 4:11

Qami' ỹalamaxarete ñapiitaxaua, quena qadapi' 'ec rapic li'i na chicqotapougui. ¡'Ec rapic li'i chaqai naua no'i' hueeto'ot na ro'legaxanaxachi'! ¡'Ec na lahita quiyi Líbano na lahita ana neloxogui'i'!

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 7:15

Quesaua 'auaxaqa niñaxari so noctoqui', ca na qomyipi ỹa'queetac ma'le na ra'ñaata' lo'i' chaqai na rapic li'i.

Mateo 3:4

Saua loho so Juan no'ueenataxat na nauaanaxanaxa late'e laue, chaqai loshicmaxa so nosaataxaqui, chaqai loqo ana piñai chaqai na rapic li'i quena 'oochi.