Proverbios 23:4 - La'qaatqa ñi qota'olec Qota'olec & Qota'olec Novita Na Qomyipi

⁴ 'Neeto' 'xoic ca reuogoxo'e' quiyim qami' nesallaxanec; totaxan 'yiiñisapega dajo.

Proverbios 23:4 Iomraidhean Croise

Eclesiastés 5:13

'Ue dá'maq ỹaatqajam chalego le'xoric seuana quenajo 'laua: dá'maq quiyim qalapoontañi da nesallaxa na'axat ma'le cá'maq hueeto'ot,

Isaías 5:21

¡'Xoraiqolqa qamiri, ma' 'ñiitapega 'xoic ca ra'yiiñiguii, chaqai 'ñiitapega 'xoic ca naqachiñi!

Mateo 6:19

'Neeto' lapooñitañi ca resallaxahi quenajo 'laua, ná'maq hua'ñi na pit richigaxan, chaqai ná'maq hua'ñi quiyim ichirichiguiñi canchaqaica nouenec, chaqai ná'maq hua'ñi quiyim ca cuataxai ishit inoxono, ca' rocachi.

Marcos 4:19

Qam ỹapacqajnauec quiyim imelec ná'ogue nanchaqaina huelec na 'laua. Ca' na nesallaxa ỹayin, vire'ta quiyim nqo'ta ná'ogue nanchaqaina nouenec, ca ná'ogue najo ỹapolec da na'qaatec. Ca' se ỹa'ue ca laỹaxac nqai'en ca qom.

Juan 6:27

Mesqo 'ueenataxañii hiñiteguelec ca na'ic tai'a quiyim imeho, ta'ta'a ca na'ic se imeho chaqai chicqaugui ca nca'laxa sqaica lqodoc. Ca chaqaica cá'maq na'ic ỹaanema qamiri najo ỹale llaalec, ma' ñi qota'olec chaqaina ná'maq ỹiquichigui quiyim ỹa'maxarenta.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 12:16

Ỹaatqajam necoñii'jta' queda nachaalataxaguii. 'Neeto' qamiri nemaqajnaxahi', ta'ta'a quiyim naloqojñita'ta' da re'xoriguii. 'Neeto' lotqai 'neetapigui qavillii quiyim qamiri 'deenaxanqachaqaqa.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”