Proverbios 23:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Chaqaica cá'maq sqai ỹaxanñi na lataxa, chaqai ỹo'ueetetac na dalaxaic ne'taxat lataxa.

Proverbios 23:30 Iomraidhean Croise

Génesis 9:21

'Uo' so na'xa'a, ca' so Noé ne'eto' queso lataxa, ca' quiñiugueto'. Ca' yí, neetauco' hueetauquio' ca lauo' na'daañi.

Proverbios 23:20

Totaxan naviquira'pegue' na ne'taaxaiquipi chaqai na quemaraxauaiquipi,

Proverbios 9:2

ca ỹalauat na iseripi queca lqui'ỹaxac, ỹa'maxatetañi ca no'uen lataxa, ca' illaalec ca nqui'ỹaxala'.

Isaías 28:7

Chaqai 'ue na liỹa rapaqategueri' nqohin quena lataxa, chaqai 'ue na qoñicqojlec sauaxat da lquesaxanaxa na lataxa: na netaxaỹaxanqajanqaipi chaqai na letaxaỹaxaquiripi ñi qota'olec rapaqatajlec sauaxat da lquesaxanaxa ná'maq ne'teetapigui, na'laxatañi yi la'deenataxanaxac sauaxat na lataxa; huaañi sauaxat da lquesaxanaxa na ne'teetapigui, chi rapaqategueri' ỹit quena' 'ue da leuanaxanaxac, se nachiñigui ca llicyaxac ca 'neeta quena' imit ca nasauaxaset.

Isaías 5:11

¡'Xoraiqolqa qamiri, quena' o'taxañitañi quiyim rquiñiuguichii, ca' quiyi na'xa'alom ỹovireta'guit yi pe hueetaguilo qamiri da loxonaxanaxac na lataxa!

Amós 6:6

Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

1 Samuel 25:36

Ca co'na' aso Abigail pila'a cá'maq neeta'ñi so Nabal, ca so'maxare ỹo'ueetetac so nqui'ỹaxac lodegaxat 'ec ca lqui'ỹaxac ca nashi, chaqai ỹaatqajam raỹaacotac chaqai quiñiuguetaxaic. Vichiguiño' aso'maxare qaica ca 'naapega, ta'ta'a queso liỹa nete'e.