Proverbios 23:29 - La'qaatqa ñi qota'olec Qota'olec & Qota'olec Novita Na Qomyipi

²⁹ ¿Negue' cá'maq 'ue ca le'xoric? ¿Negue' ca chootetac? ¿Negue' cá'maq reloquitac chaqai noỹentac? ¿Negue' cá'maq qaica ca 'negue, qam qaicoñirqachit? ¿Negue' cá'maq se ỹa'maxañi da lquenoxonaxac?

Proverbios 23:29 Iomraidhean Croise

Génesis 19:33

Ca' queso pe, ca ne'taxane' queso lataxa so leta'a'. Ca' eec asó'maq ỹi lapa'ñi' so'maxare, qam so leta'a se nauate co'na' nenanñi chaqai na' ne'laxashiguim aso'maxare.

Génesis 49:12

Naua nqote' paguec naueralgoto da letocqa' quena lataxa; chaqai naua louee paguec lalacqa' quenaua lo'i'.

2 Samuel 11:13

Ca' so David ỹal quiyim lqui'ỹaxaua chaqai ne'taxaua so'maxare, ca' quiñiuguetqachit. Ca co'na' mashic pe, ca' so Urías, ca' eec, laq, quepegue' yi hueeta'ñi so neloxoỹaripi queso nashi. Qam sqai quepegue' ca la'a'.

Proverbios 23:20

Totaxan naviquira'pegue' na ne'taaxaiquipi chaqai na quemaraxauaiquipi,

Proverbios 23:21

ma' na ne'taaxaiquipi chaqai na quemaraxauaiquipi taỹa'a da le'xoric, chaqai na hualaiquipi ỹantañi na leteraxaic.

Isaías 5:11

¡'Xoraiqolqa qamiri, quena' o'taxañitañi quiyim rquiñiuguichii, ca' quiyi na'xa'alom ỹovireta'guit yi pe hueetaguilo qamiri da loxonaxanaxac na lataxa!

Isaías 5:22

¡'Xoraiqolqa qamiri, ma' qaica nauegue' qamiri queda ne'taxaguii quena lataxa, chaqai qaica ca nauegue' qamiri quiyim 'maxachiñi na lataxa!

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.