Proverbios 22:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Cá'maq ỹa'maqachiguiñi nqai'en ca lo'ueenatec, ca'maxare nelaatec ma'le quena nashillipi, mesqai queca qom sqailligueme' ỹaqamaq.

Proverbios 22:29 Iomraidhean Croise

1 Reyes 11:28

Ca' so Jeroboam ỹaatqajam 'ñaaxaic chaqai canchaqaica ca chaqa'ma' chaqaida nqai'en. Ca' so Salomón co'na' iuana quiyim so ne'nec chaqaida nqai'en cá'maq canchaqaica, ca so'maxare reloxoỹa'a nqai'en ná'ogue na llaalqaipi so José.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 25:23

Ca so na'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Génesis 41:46

So José ỹovito'o' saua treinta ñaxari co'na' qaỹauega'a so Faraón nashi quiyi Egipto. Co'na'le, ca' so José niquine'e' so Faraón, ca' eec quigui yá'ogue yi 'laua Egipto.

Romanos 12:11

Na'ñaxachiỹo', 'neeto' lotqai 'ue ca hualaic caqamiri. Machiỹauec añi re'taxanatahi quiyim 'ueenataxañitacot so qara'gaxala'.

1 Reyes 10:8

Ca' ¡ỹaatqajam ỹa'maqachiguiñi na rouachi'ipi chaqai netoontac ná'maq relaataxai'ipi, ma' na'maxare naua'que naua na'xata' hueetau'e na rahi'i' na'xaỹaxantapegalo naua la'maqa' naua ra'qaataxahi'!

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Génesis 47:6

Ca' najo 'laua Egipto 'viiquiñi'sac, 'ỹaañitem ma'le yi 'laua Gosén yí'maq paguec loyac quenajo 'laua, qaiyi 'neralec yi'maxare. Chaqai no'm 'ue ca ỹa'den reloxoỹa'a ca 'aatet nelo, ca chaqaica reloxoỹa'a nqai'ñi' na ña'aateteripi.

1 Samuel 16:21

Ca' chaqaida da 'neeto' so David na' ỹovira'a so Saúl. Ca chaqa'ma' ro'ueenataxanot, chi ỹovireta'a quiyim so Saúl nqo'ta so'maxare, ca' ỹano quiyim lotaua.

Proverbios 23:1

Ca no'm ca chalego lecaic na'gaxala' ỹal qami' quiyim rqui'ỹaxaua'e', ca na'maxachite' ma' 'yiiñite' cá'maq loqoisa'guit.

Génesis 41:38

Co'na'le, ca 'naaco' so Faraón queso liỹaripi: —¿Tegue' chaqa 'ue ca liỹa ỹale qaranataxat 'nejem da'maxare hueeto'ot ca ne'espíritu ñi qota'a?

1 Samuel 17:31

Ca 'vio' saua 'qaasapega so David na' renataxantac, ca' que', ra'qaataxanta so Saúl. Ca so'maxare relaataxana.

Daniel 1:4

na ne'naqaipi 'maxaraic da no'ueenataxac, qaica ca la'aqset na loshicmaxa, 'ue na ỹa'den, co'ỹaxaraic, ỹomata'ta' ná'ogue ỹa'den chaqai ta'chiguit ro'ueenataxan quiñi lauo' so nashi. Ca' qaỹapaxaguinegue quiyim 'xaiguit nqohin na Babilonia laseripi, da leraxanaxac chaqai da letaxaỹaxac.

Daniel 1:19

Ca' so nashi retaxaỹa'pegueto saua'maxare, ca quesá'ogue so ne'naqaipi qaica ca ỹanata 'nejme' saua Daniel, Ananías, Misael chaqai so Azarías. Ca saua'maxare chaqa'ma' no'ueendañi quiyim ro'ueenataxantot so nashi.