Proverbios 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qami' ỹaalcolec, na'xaỹaxañitalo naua lapaxaguinataxanaxaco najo qataa'i', chaqai sqa 'laxachite naua lapaxaguinataxanaxaco añi qachii'i',

Proverbios 1:8 Iomraidhean Croise

Proverbios 1:10

Ca no'm na sauaqhuaiquipi ỹahotaque rayiñi', qam qami' ỹaalcolec, ¡se na'xaỹaxañi'!

Proverbios 1:15

¡Qami' ỹaalcolec, totaxan riỹa'isegueñi quenaua llico na'maxare! Totaxan quire'ueguelo naua'maxare,

Proverbios 23:22

Na'xaỹaxañita ca qataa'i' ma' qami' lo'ueenatec; 'neeto' se rqo'chita aca qachii'i' ma' qo'xoỹom.

Proverbios 30:17

Cá'maq se nqo'ta ca leta'a quiyim ra'iito'ot chaqai ca i'neetac aca late'e quiyim qo'xoỹom, paguec la'maxa quiyim qaỹa'gue' naua nqote' queca ratecsan chaqai qaỹa'ic queca o'ic.

Proverbios 31:1

Nauajo naua la'qaatqa so nashi Lemuel na'ñi yi Masa nauá'maq lapaxaguinataxanaxaco aso late'e, 'neetasa':

Levítico 19:3

Quiñi 'óna se napacqajan queca leta'a chaqai caca late'e. Se napaguiỹalgoto qai'neeta naua na'xata' ñco'mataxaqui'. Ma' ỹim ná'maq ỹim na'gaxala', ỹim qota'olec caqamiri.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

2 Timoteo 1:5

Chaqai quena' so'leente'te dá'maq 'maxaraic rpi'ỹaxaqui'. Dajo no'uen npi'ỹaxac 'aue'tot aso rcomeena'e' Loida chaqai aso qachii'i' Eunice, ca' nagui sa'deenta quiyim hueeto'ot qami' qai'neeta dajo npi'ỹaxac.

Rut 3:6

Ca' aso Rut quepegue' so nanaxanqa', ca' ipacqajanchigui dá'ogue dá'maq 'naac aso ni'ỹoqoro.

1 Samuel 2:25

Qamiri 'yiiñita quiyim no'm 'ue ca qom nasauaxate'e' ca liỹa, ca' ñi qara'gaxala' 'ue ca qoshiilec. Qam ca qom quiyim chaqaiñi ñi qota'olec hueeto'ot ca lasauaxaset, ca ¿negue' cá'maq qoshiilec ca'maxare? Qam saua'maxare se na'xaỹaxanta dá'maq 'naac so leta'a, ma' ñi qara'gaxala' chaqai 'negue, ma' ỹahotaque naqat da nachaalataxague' saua'maxare.