Proverbios 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ qaiyi qaỹa'den ca la'qaatec na 'deenaxanqachaqaiquipi chaqai quiyim qanachinchigui ca laloqojnaxanaxaqui queca la'qaatec.

Proverbios 1:6 Iomraidhean Croise

Eclesiastés 12:11

Naua la'qaatqa na 'deenaxanqachaqaiquipi 'ec ca na'naxaset, chaqai quena' qalapoonta' qanca'ata', ca 'ec aca netana qaỹotocqochiguiñi ỹa'yiñi ca 'oonoqui' neloxoỹaq cana qagreta.

Marcos 4:11

Ca' so'maxare 'naaco': —Ñi qota'olec ỹa'deenaxanaxanque qamiri dá'maq ñauapec leloxoỹaxac se re'xogui da lo'ueenataxanaxac ma' ỹoiquentac ná'ogue najo. Qam quená'maq liỹaripi pa'aatauec ná'ogue qara'qaataxana, qam qaỹahote'e na naloqojnaxanaxaqui;

Marcos 4:34

Ca' qaica quet cá'maq ỹa'xat quiyim se ỹahote'e ca laloqojnaxanaxaqui quiyim ỹa'xatetac da na'qaatec, qam co'quena' noda'chiguita saua lapaxaguinatqa, ca ichoxoteta dá'ogue da leloxoỹaxac.

Hebreos 5:14

Ma' ná'maq ỹaatqajam na'ic ta'chiguit ná'maq qom mashic ỹi, ná'maq mashic ra'deenataxan, ná'maq mashic ỹa'den quiyim retan ca lo'yaxanec chaqai ca se no'uen.

2 Pedro 3:16

Quesaua'que saua lerecse ỹa'xatetapeguema qamiri dajo. Qam 'ue na hua'ñi 'xoic da lqalaic quiyim qaỹa'den ca leloxoỹaxac. Ca' vichiguiño' ná'maq qaica ca ỹa'den chaqai na se ra'ñi da lpi'ỹaxac, ca' ỹoqa'a nqai'en ca leloxoỹaxac. Ca' chaqaida 'ne'tegue ná'maq liỹa naneretañi la'qaatqaipi ñi qota'a, qam quiyim 'ne'tegue dajo, ca' chi nqa'viinteguelta'.