Proverbios 1:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca' quecajo na'xa'a, ca ỹaxañitacot aỹim ma'le, qam se ña'xaỹaxan; daañitaque aỹim ma'le, qam sqa nachiua';

Proverbios 1:28 Iomraidhean Croise

Génesis 6:3

Qam ñi qara'gaxala' qota'olec 'naaco': Sqai saxanegue na qom quiyim queeta nca'leetauec, ma' na'maxare chi la'at. Ca cá'maq laloqo' yi nachaalataxac qaiyauate' yaua ciento veinte ñaxari.

Isaías 1:15

Quena' nanochishiguim naua rqai'laqachiri, ca nqouagaxaiñii, ca' ỹim se ya'ỹiỹalo qamiri; 'eno'm shi'gom nqouagaxaiñitac, ỹim se ña'xaỹaxan. Ma' naua rqai'laqachiri 'ue na ralauachiguii leuoripi.

Jeremías 14:12

'Eno'm 'xoic nqopaaqachit, qam se ña'xaỹaxana queca ỹahotaque; no'm 'xoic ca lachitaxanataxanaxat ỹavigaxat chaqai quiyim nodouo ana lanecse ala, qaiyiita se squelolliguit. Ỹim ñalauajñi, sahote'e ca lauataq, nqopaaxa chaqai ca ne'ne'.

Ezequiel 8:18

Qam nagui so'uet da ỹonogoxonaxac. Ca' ỹim sqaica ma' yqouaca'gue quet yi'maxare. 'Eno'm roỹaxantaque aỹim ỹaualqatagui, qam se ña'xaỹaxana.

Oseas 5:15

Ca ma'le, ca' yapila na ỹoma', chi ỹovireto'o' ma' yi'maxare no'uenegue da lasauaxaset, ca' nanac idaanaque aỹim. ¡Ma' ỹovira'a da le'xoric, ca' idaanaque aỹim!

Amós 8:12

Na qomyipi taaguilo ma'le, idaantapigui naua la'qaatqa ñi qota'olec; queetegueñigui na huaaxaipi chicqo'tegue da rapiguim, ỹovira'gue da lqodoigue, qam se ỹanata da na'qaatec.

Miqueas 3:4

'Ue ca na'xa'a, ca' qamiri ỹaxañiỹaque ma'le ñi qara'gaxala', qam ñi'maxare sqai saachiguita qamiri. Quecajo na'xa'a nañoxotema qamiri ma'le sauaxat ná'maq se no'uen 'viichitac.

Santiago 4:3

Chaqai no'm shiilaxañiỹaque, sqai coñiguit, ma' se ỹa'maxañi da rashiilaxanaxaguii, ma' viitaque quiyim tau'a nqai'ñii dá'maq chi rqo'itaxanqachiguii.

1 Samuel 8:18

Ca ma' ỹovi' ca na'xa'a quiyim 'ue ca sqa 'maxariñii quecajo nashi rca'acshiguii, ca' ñi qara'gaxala' se na'xaỹaxanalo qamiri.