Proverbios 1:22 - La'qaatqa ñi qota'olec Qota'olec & Qota'olec Novita Na Qomyipi

²² Ne'naqaipi qaica ca retan, 'naxanaxaiquipi chaqai qaica ca la'deenataxanaxac, ¿laquio' 'xañiñi quiyim quiitalec quiyim qaica ca retanaxanaxaguii, chaqai quiyim nachiỹa ca ra'maxahi queda re'naxanaxaguii, ca' se rqo'chiỹa da na'deenaxanaxa?

Proverbios 1:22 Iomraidhean Croise

Salmos 1:1

Chalego la'maxa queca qom quiyim sqai que'uegue na lapaxaguinataxanaxac na hualoxonyipi, chaqai se naỹa'a da 'neetari' na sauaqhuaiquipi, chaqai se ỹalecau'a cá'maq i'neetac ñi qota'olec;

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Proverbios 1:21

da lelamqa' naua la'qaatqa quenaua lasomi' chaqai quenaua paguec nemaqajnatqa quena na'a' lodegaxat, 'naac:

Proverbios 1:29

ma' se rqo'chiỹa dá'maq na'deenaxanaxa chaqai sqai maqachiñii ñi qara'gaxala'.

Proverbios 1:32

Ná'maq se retanaxanac, ca' ileuapeguem ma'le quiyim qaica ca letanaxanaxac, chaqai ná'maq se ra'deenataxan, na'laxatañi dá'maq quiyim qaica ca ỹa'den;

Proverbios 1:4

ỹo'uet da letanaxanaxac na ne'naqaipi se retanaxan, chaqai ỹa'ue da ỹa'deenaxanaxanegue ca lco'ỹaxaric.

Proverbios 1:7

Da na'deenaxanaxa chicqochigui quiyim qaimaqachin ñi qara'gaxala' qota'olec; ná'maq qaica ca la'deenataxanaxac, ca' se icoñiguit da na'deenaxanaxa chaqai ca napaxaguinataxac.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Números 14:27

—¿Chi' laquio' ñaqai queeta quiyim ña'ñaxateta'piguita naua la'qaatqa na hualoxonyipi llaalqaipi so Israel? Mashic shi'gue sa'xaỹa quiyim se no'uen da ỹa'xat caỹim.

Mateo 17:17

Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Mateo 23:37

¡Qami' Jerusalén, qami' Jerusalén, ma' qami' lauachirac na netaxaỹaxanqajanqaipi chaqai naqai' quena qa' ná'maq nelata qami' ñi qota'olec! ¡Ỹoto'o' sahotaque llapoonta' na qachaalaxai'ipi, 'nejem aca huaqa'e quena' lapoonta' na llaalqaipi, ca illo'oto naua laua', qam sqai 'maxariñi'!

Mateo 9:13

Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

Lucas 19:42

Ca 'naac: —¡Quetaxan 'yiiñi'o' quenajo na'xa'a'e', quecá'maq ishit ỹaañiraxarom ca na'maxa! Qam nagui dajo nañoxotetañi, ca sqai huañita.

Juan 3:20

Ma' ná'ogue ná'maq ỹo'ueetetac na se no'uen ỹaatqajam loquiiaxat so ncoỹeraxanaxat, chaqai se nqo'neu'a so'maxare, qaiyi se re'xoi' naua se no'viiñi ỹo'ueeteta'pe.

2 Pedro 3:3

Qam qamiri se couahitaque ma'le dajo: ma' quecaua co'uaataxanaxaqa na'xata', ca' 'ue ma'le ca qomyipi i'neetac ma'le dá'maq coñiguit na'qaatec, ma' queeta'pegue' dá'maq se no'uen 'ueenataxac.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.