Proverbios 1:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Quenaua nayico chaqai quenaua lapooqote' na qom qara'xaỹaque da lelamaxa da na'deenaxanaxa;

Proverbios 1:20 Iomraidhean Croise

Proverbios 1:21

da lelamqa' naua la'qaatqa quenaua lasomi' chaqai quenaua paguec nemaqajnatqa quena na'a' lodegaxat, 'naac:

Proverbios 9:1

Da na'deenaxanaxa no'xonshiguim ca lauo', siete nqai'ne' naua nenojnaxal;

Proverbios 9:3

Ca' ila' ana lelaatallipi quiyim ỹaualaq, nelamaxaren, queugui yi na'a' lodegaxat, ca 'naac:

Jeremías 19:2

Ime, ca' quirepegue' yi ca'megue leenaxat Ben-hinom, naloote'oga ñi lasom qaỹamata'gue loma' ana no'xona lahillipi. Ca 'xachi' ma'le dá'maq ỹa'qaatec shiñirapegaxaua'.

Mateo 13:54

Ca chi ỹovireta'a yí'maq lalamaxaret la'a'. Ca' quiyi, ca taañi rapaxaguinataxan cana lapoxoqui na judioipi na'ñi yi'maxare. Ca' na qomyipi 'xoic da le'laxa, ca 'naaco' quen: —¿Nega'ỹo' cá'maq ỹachigoxota'gue ná'maq la'deenec dajo ỹale? ¿Negue' cá'maq 'neeto' quiyim ishit ỹo'uet na netanqaipi se qaiuanapega?

Lucas 11:49

Vichiguiño' ñi qota'olec queda la'deenaxanaxa 'naac: “Selata ma'le na ỹa'qaataxanqajanqaipi chaqai ca ilaatqaipi, ca 'uo' ma'le ca qaỹalauat, chaqai ca liỹaripi, ca' qaỹocantac.”

Juan 7:37

Ca quesó'maq co'uaataxanaxaic na'xa'a queso nemaqachic, ca ỹaatqajam pagueco' quen da nemaqajnataxanaxa. Ca' quesojo na'xa'a nachajñi so Jesús ỹaatqajam nelamaxaren na' retaqa, 'naaco': —No'm 'ue ca iuet laquip, ca nacpegue' aỹim, ca' ne'et.

1 Corintios 1:24

Qam quená'maq qota'a loỹaxanqateripi quena judío laseripi chaqai na mesqai judío, na'maxare ỹa'deenta quiyim so Cristo chaqaiso so lquesaxanaxa chaqai la'deenec ñi qota'a.

1 Corintios 1:30

Ma' chaqaiñi ñí'maq qota'a ỹo'uet quiyim na'yiitau'a so Cristo Jesús; chaqai ỹo'uet quiyim chaqaiso so'maxare qara'deenec, chaqai chaqaiso chigoxochichigui quiyim qaỹa'maxarente' qomi' quiñi qota'a, chaqai qomi' lalamaxarete', chaqai quiyim qomi' yca'laxauec.

Colosenses 2:3

Ma' chaqaiso só'maq ỹomata'ta' hueetaugui ná'ogue na na'deenaxanaxa chaqai da na'deenataxanaxac.