Proverbios 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Nauajo naua la'qaatqa so Salomón, llaalec so David, nashi quiyi Israel,

Proverbios 1:1 Iomraidhean Croise

1 Reyes 2:12

Ime, ca' so Salomón taalec da lo'ueenataxanaxac so leta'a David. Ca' da lo'ueenataxanaxac quiyim nashi ỹaatqajam ỹa'maqachiguiñi. (2.13—3.2 So nashi Salomón ỹa'ue quiyim qaỹalauat so Adonías ma' ỹahotaque quiyim nashi. Qai'neeta ipacqajanchigui dá'maq 'naac na'le so David quiyim qaỹalauat so Joab chaqai so Simei.)

1 Reyes 5:12

Ca' 'eda 'ne'tegue na'le ñi qara'gaxala' na' ỹaanem da la'deenec so Salomón dá'maq ỹachaxantac na'le. Ca só'maq Hiram ỹaatqajam na'maxate'e' so Salomón, ca saua'maxare ỹaatqajam 'ue da leuagaqa' na'le.

Proverbios 22:21

ma' sahotaque sapaxaguiñitegue dá'maq lliqueta, qaiyi 'maxaraic ca ra'qaachiqui' quiyim 'ue ca renachi'.

Proverbios 25:1

Nauajo qai'neeta la'qaatqa so Salomón qoỹeretañi queso qomyipi lelaatqaipi so Ezequías, nashi quiyi Judá, 'neracsa':

Eclesiastés 1:1

Nauajo nauá'maq la'qaatqa so netaxaỹaq, llaalec so David, nashi na'le quiyi Jerusalén. ¡Na qaiuana qaica ca 'negue, qaica ca 'negue! ¡Ná'ogue qaica ca 'negue!

Eclesiastés 12:9

Ca na' ỹovita quiyim paguec na la'deenec so netaxaỹaq, ca paguec da la'deenec nqai'en na qom. Chaqai qai'neeta quelec quiyim napaxaguina na 'xoic llicyaxac na na'qaatec chaqai nca'ata', ca ỹa'maxachichiguiñi.

Juan 16:25

Ỹim sa'xat dajo caqamiri, qam sahote'e na ỹaloqojnaxanaxaqui. Qam ỹovita ma'le ca laloqo' quiyim se sahote'e ca ỹaloqojnaxanaxaqui quiyim 'ue ca sa'xat caqamiri, ta'ta'a quiyim ỹaatqajam sechoxote'tema qamiri ñi qota'a.