Oseas 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Oseas 6:6 Iomraidhean Croise

Salmos 50:8

Qam se sa'ue ca rayiloxo'e' quena rachitaxanataxanaxachi', vigaxachi'sac se neme nañaañisapego.

Isaías 1:11

Ñi qara'gaxala' qota'olec 'naac: ¿Chi'negue ma' 'xoic na nodohitapego rachitaxanataxanaxachii? Mashic yamaqa'gue ná'maq name qagreta loua' chaqai ana lo'ỹo na huaqui llaalec 'uegaxasaq; yamaqa'gue na leuoripi na tooro, qagreta loua' chaqai na quetaq llaalec.

Isaías 58:6

Qam mesqaida. Ma' cá'maq qopaaqataxac yqo'ta 'neetasa': quiyim qaỹachipiaxate' daua lequeete' da se no'uen chaqai qaỹosoguilo naua motel naua nequeetenaxanaxat ỹauego; chaqai quiyim qoỹaxanec ná'maq 'xoic na le'xoric chaqai 'xañiriñi ná'ogue ná'maq chicqaugui da nqa'viic;

Jeremías 22:16

Chaqai ro'ootaxanlec quen na 'xoraiquipi chaqai ná'maq chi qoỹoiquentac, ca' chaqaida 'neeta vichiguiño' ỹa'maqachiguiñi na'le ná'maq ỹo'uet. Ca chaqaida dá'maq lo'ueenataxanaxac cá'maq iuañiua'. Ỹim na'gaxala', se'taxajñi dajo ỹa'qaatec.

Oseas 2:20

Ỹim so'uet quiyim qami' ỹoua chaqai ỹaatqajam saqamaxachite', ca qami' ma'le, ca' ya'yiiñi' quiyim ỹim na'gaxala'.

Amós 5:21

Ñi qota'olec 'naac: Yoquii'a chaqai se yqo'talo naua remaqachigohi 'viichita'pe quena' nqouagaxaiñii; se semaqachine' naua rapoxogohi.

Miqueas 6:6

¿Nega'ỹo' cá'maq llo'qoota'a ma' shicpegue' quiyim ñqouagaxainot ñi qara'gaxala' ñí'maq qota'olec queda piguim? ¿Peeta'a ma' sovira'a, ca' sauequetau'a ca huaqui llaalec 'óna niñaaxa, sahotaque ỹachitaxanataxanaxat quiyim qaỹavigaxat?

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Mateo 12:7

Qamiri sqa 'yiiñiỹo' dá'maq reloqo'tegue yi naneretañi la'qaatec ñi qota'olec, 'naac: “Ỹim sahotaque quiyim 'xorenataxañii, ca' mesqaida 'ỹaañiuo qaỹavigaxat ca isecỹac rachitaxanataxanaxachii.” Ca' quetaxan 'yiiñiỹo' dajo, ca' se ishit quiyim viitaque quet ca lasauaxaset cá'maq qaica ca ỹasauaxat.

Mateo 5:7

Ỹaatqajam chalego la'maxa ma'le quecá'maq i'xoren ca liỹa, ma' ñi qota'olec i'xoren ma'le ca'maxare.

Mateo 9:13

Mohi, quii, ca' napaxaguiñiỹa dá'maq leloxoỹaxac yi naneretañi la'qaatec ñi qota'a 'naacsa': “Ỹim sahotaque 'xoriñii ca riỹahi. Mesqaida quiyim 'ỹaañiuo quiyim qaỹavigaxat ca rachitaxanataxanaxachii isecỹac.” Ma' ỹim se ñanac quiyim soỹaxana cá'maq 'deenataxanaxai, ta'ta'a ná'maq sauaqhuaiquipi, qaiyi netacocha, ca ỹaxañiñi naua lanatqa.

Marcos 12:33

Chaqai quiyim qarqo'ta ñi'maxare, somatqo'ot añi qare'taxanata, chaqai da qara'deenataxanaxac, chaqai da qanachaalataxac, chaqai dá'ogue da qarquesaxanaxa, chaqai quiyim qarauotegue ca qariỹa, 'nejme' qomi' chi ñauochaqalta', ma' da'maxare napacalec ná'ogue na nachitaxanataxanqateripi quena' qoỹaanot ñi qota'olec, chaqai ana nachitaxanataxanqate quena' qaỹavigaxat cada ncopatoxonaxalate.

1 Juan 2:3

No'm ña'xaỹaxanqa'ta na lelaataxanaxaquipi ñi qota'a, ca' sa'deenaq quiyim seuanaxa ñi'maxare.

1 Juan 3:6

Ca' vichiguiño' ná'ogue ná'maq ñaq na'deetau'a so'maxare, tot ỹo'uet ca lasauaxaset; qam ná'ogue ná'maq ñaq ỹahotaque na lasauaxaset, se iuana chaqai se ỹa'den so'maxare.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.