Oseas 6:5 - La'qaatqa ñi qota'olec Qota'olec & Qota'olec Novita Na Qomyipi

⁵ Vichiguiño' seuagaxateta'pe qamiri, chicqochigui nqaishin so itaxaỹaxaquiripi; chicqochiguilo nqaishin saua ỹa'qaatqa, ca' salauate' qamiri. Da la'maqa' naua ỹa'qaatqa ñaxat 'ec na lauaq.

Oseas 6:5 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

1 Reyes 17:1

So letaxaỹaxaqui ñi qota'olec leenaxat Elías, na'ñi yi na'a' Tisbe, huaugui yi 'laua Galaad, 'naaco' queso nashi Acab: —¡Ñallitalta' quiñi qara'gaxala', ñí'maq qota'olec queso Israel, ñí'maq so'ueenataxantacot, quiyim quenauajo ñaxari sqaica ca ỹaxat chaqai aca 'ỹa', toco' ma' ỹovita quiyim 'ue ca sa'xat!

1 Reyes 18:17

Ca co'na' iuana, ca 'naaco': —Ca ¿qami'o' ná'maq vi'saque da leuogoxo na Israel?

1 Reyes 19:17

Ca' quedajo ma'le, ca cá'maq qohit queca lecat ñi Hazael, ca ỹalauat ñi Jehú, chaqai cá'maq ỹit ca lecat ñi Jehú, ca ỹalauat ñi Eliseo.

2 Reyes 1:16

Ca 'naaco': —Da la'qaatec ñi qara'gaxala' 'neetasa': Ma' mashic vite ca relaachiqui' quiyim renataxana ñi Baal-zebub, ñí'maq qohinac qota'olec quiyi Ecrón, ta'ta'a quiyim 'eco' sqaica qota'olec nqai'ñi' quena Israel quiyim qainat, vichiguiño' nagui, ca' tot ne'laxachirishiguim quena romalachi', ma' rillivi'.

Isaías 11:4

Ỹaqamaxateta da nimiitaxac na qaica ca yí chaqai qoshiilec na 'xoraiquipi quena 'laua quiyim ỹahotaque ca la'maxa. Naua la'qaatqa 'ec ca qo'paq nouaxanaxanaxat quiyim qaỹouaxan ca se ra'maqataxan, chaqai ỹahote'e na lacat quiyim ỹouaxan ca hualoxonaq.

Isaías 58:1

Ñi qara'gaxala' qota'olec 'naac caỹim: Se ro'chi'i', taxahi' nelamaxariñi', 'ec npe'te nqai'ñi' ca qavillaxaqui'; relaqaita na ỹalamaxareteripi llaalqaipi so Jacob quedá'maq se no'uen ỹo'ueetetac chaqai queda lasauaxaset.

Jeremías 1:10

Sellaugui na qadapi' naua ỹa'qaatqa. Nagui, ca' saañiraxarom da nquesaxanaxa napacalec na nashillipi chaqai na ỹoreta'oguit qomyipi, qaiyi pogoxoñi' chaqai maqairiñi, poxoỹaxachirigui chaqai huagaxachirac, chaqai qai'neeta quiyim no'xoñirishiguim chaqai danaxañi'.

Jeremías 1:18

Ca' ỹim nagui sa'yiñi qami' 'ec ca na'a' lodegaxat pootau'a nodaachiguiñi fierro na qaỹa'yiñi, 'ec qaỹapou'a quena bronce, qaiyi loqoichiguit yá'ogue yi qomyipi na'ñi yi 'laua Judá: na nashillipi, na'gaxalateripi chaqai na netaxaỹaxanqajanqaipi chaqai yá'ogue yi qomyipi quiyi'maxare.

Ezequiel 3:9

So'uet quiyim ra'ñii qami', 'ec na qa', leenaxat diamante, paguec la'ñaxac quena chaqai qa'. Totaxan ro'chi'i', 'neeto' ro'daxachirec ma' na'axachigui na lashic quiyim npa'guene'e' qami'.

Ezequiel 43:3

Da iuanaxanaxac 'nejem na' ñi qara'gaxala' novi' quiyim nopoxoỹaxajñi yi Jerusalén chaqai 'nejem só'maq na' seueto'ot na lahi aso lachiugue Quebar. Ca' ñqai'guiñi, soviraxata'guit na ỹatap na 'laua.

Hechos 7:31

Ca' so Moisés chalego le'laxa queda lauanaxanaxac. Ca' noquiiga'a, ỹahotaque quiyim ỹaatqajam ỹa'ajanta. Ca' quiyi, ca' 'xaỹa ñi qara'gaxala' qota'a, 'ne'teco'yi da la'qaatec:

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,

Efesios 6:17

Chaqai da rca'laxahi, 'neetari' nqai'ñii aca nado'ii lquepaxaset na rqahiguii. Chaqai coñiỹa da la'qaatec ñi qota'a, 'nejem nqai'ñii ca lecat ỹaanema qamiri so Espíritu Santo.

Hebreos 4:12

Ma' da la'qaatec ñi qota'a nca'leetauec chaqai 'ue da lquesaxanaxa. Chaqai paguec llaaxa quená'ogue na lecat dos llaaxa', chaqai ishit ỹovirau'a na pa'aauo se re'xogui quena qom chaqai quedá'maq hueetagui da nachaalataxac, vire'ta ná'maq paguec pa'aauo quena qom; chaqai ichoxot ca na'deenataxanaxac, chaqai quecá'maq 'ueenataxac hueetagui añi ne'taxanata.

Apocalipsis 1:16

Chaqai queda loic lo'qoota'alo saua siete huaqajñi. Chaqai quena lap chicqaugui so lecat ỹaatqajam ỹaxaraic, dos llaaxa'. Chaqai na lashic 'ec añi ra'aasa quena' ỹaatqajam quesaxan da lauaq.

Apocalipsis 2:16

Vichiguiño' netogochigui nqai'ñi' na qavilli'. Ma' no'me', ca' sqaỹaloq shicpegue' aqami', ca' ñco'ỹa'to ma'le naua'maxare, sahote'e na lecat chicqaugui na ỹap.

Apocalipsis 9:15

Ca na'le, ca' qaỹosoorec saua cuatro nelaatqa, qaiyi ỹalauate' ñi 'óna quecaua tres qomi' quená'ogue na qomyipi. Ma' chaqaido' dá'maq 'em qaỹa'maxatesañi quiyim ỹovita ca na'xa'a naloqojnec hueetougui ca shiraigo chaqai ca ñaaxa, ca qaleuote'talo.

Apocalipsis 9:21

Chaqai qai'neeta sqai ỹaxanñi da lalauataxanaxac, da le'naxanaxac, chaqai da nedequenaxac, chaqai da locataxac.

1 Samuel 15:22

Ca' so Samuel 'naaco' queso'maxare: Ñi qara'gaxala' paguec nqo'ta quiyim qana'xaỹaxane'ta ñi'maxare, ca' sqai 'nejem quiyim qoỹaanot aca nachitaxanataxanaxat chaqai qaỹavigaxat; paguec la'maxa quiyim qana'xaỹaxane'ta quecá'maq 'naac, ca' chaqaida sqai 'nejem quiyim qoỹaanot ñi'maxare ca nachitaxanataxanaxat qaỹavigaxat chaqai aca lo'ỹo ca qagreta loua'.

1 Samuel 15:32

Ime, ca' so Samuel 'naaco': —Naviguiri' quenajo ca Agag, lashi na Amalec llaalqaipi. Ca' so Agag i'maqatapeuc na' ỹovira'a so Samuel, 'neetapigui lauel quiyim mashic ime'uegue quiyim qaỹadentalec qaỹalauat.

1 Samuel 15:33

Qam so Samuel 'naaco' queso'maxare: —Viise'e so lecachi' na' 'ue quiyim 'xoic na 'aallipi na'laañi na llaalqaipi. Ca 'nejem na'maxare ma'le aca qachii'i'. Ca' qaica ca liỹa ỹa'xat so Samuel chaqa'ma' sectetajlec nqai'en quiyi Gilgal quiyi na'ñi ñi qara'gaxala'.