Oseas 6:3 - La'qaatqa ñi qota'olec Qota'olec & Qota'olec Novita Na Qomyipi

³ ¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

Oseas 6:3 Iomraidhean Croise

2 Samuel 23:4

ca ca'maxare ma'le ỹaatqajam 'nejem na lauaq quena' sham richiguiñi, chaqai 'nejem da lauaq añi ra'aasa quena' nete'eta quiyim co'teeta, quena' ñaxat nqai'en na 'uaqapi quena' ime'uegue na ỹaxat.

Salmos 19:4

qam da'maxare imaalec ná'ogue na 'laua, chi ỹovireta'a ca lqodoc na 'laua, chi ỹovireta'a ca na'ñi añi ra'aasa.

Salmos 19:6

Nenoxonshiguim añi ra'aasa queda lqodoigue, ca queeto'ot na piguim, chi ỹovireta'gue da lahi. Ca' qaica ca ishit 'eetapeguem na lauaq.

Salmos 63:8

Dá'ogue da ñachaalataxac ima'guit aqami'; da qatoiqui' se yayaxanec.

Isaías 5:6

se seloxoỹa'a, qaiyi se qanichaxauec ana lasote chaqai se qanaqat ana peue, qaiyi 'xoic laqalachi chaqai ana le. Chaqai shinapega na naueguelec quiyim sqai taalec nqai'en ca ỹaxat yi'maxare.

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Oseas 2:20

Ỹim so'uet quiyim qami' ỹoua chaqai ỹaatqajam saqamaxachite', ca qami' ma'le, ca' ya'yiiñi' quiyim ỹim na'gaxala'.

Miqueas 4:2

ca 'naac: “Ỹalahi, qolaxashi'megue ada naqa' ladocai ñi qara'gaxala', ñí'maq no'ueenaxanaxaqui quiñi nqota'olec so Jacob, qaiyi ñi'maxare qarapaxaguineguelo caua nayicyaxaco, qaiyi seshitaq qolqata'guelo naua llico.” Ma' chicqochi'ñi ma'le yi Sión ca lapaxaguinataxanaxac ñi qara'gaxala', chaqai quiyi Jerusalén chicqochi'ñi ca la'qaatec.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Mateo 13:11

Ca' so Jesús 'naaco' quesaua'maxare: —Ñi qota'olec ỹa'deenaxanaxanque qamiri dá'maq se re'xogui leloxoỹaxac dá'maq lo'ueenataxanaxac hueeta'gue da piguim. Qam na'maxare ỹaatqajam se ishit ỹa'den.

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

2 Pedro 1:19

Qam qai'neeta 'ue da liỹa paguec 'chichiguiñi, ca' dajo chaqaida dá'maq la'qaataxanaxague' saua letaxaỹaxanqajanqa ñi qota'a mashic qoỹeretañi. Ca' qamiri 'maxaraic quiyim ỹaatqajam na'xaỹaxañii'ta dajo na'qaatec, ma' 'neetari' aca ncoỹeraxanaxaqui naviguec queca lapalqa', ỹovireta'a quiyim mashic richi'guit ca na'xa'a chaqai aca huaqajñi nete'ese nenoxonshiguim, ca' coỹarelgoto naua re'taxanatahi.

Apocalipsis 22:16

—Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.