Oseas 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)

Oseas 3:5 Iomraidhean Croise

1 Reyes 12:16

Ca co'na' sá'ogue so ỹalliripi quesó'maq llaalqaipi so Israel, co'na' ỹa'den quiyim so nashi se na'xaỹaxan quedá'maq qohinta'pegue, ca' so qomyipi 'naaco': ¡Qomi' sqa saaqapegueu'a so David! ¡Se salecqau'a dá'maq lesallaxa qano'ueenaqta'guit só'maq llaalec so Isaí! ¡Qomi' llaalqaipi so Israel qolaxauo quenaua qara'aate'! ¡Ca' so David chi cochiỹa ná'maq chaqai llaalqaipi! Ca co'na'le, ca' so Israel llaalqaipi quepegueto nauá'maq chi la'aate'.

Isaías 60:5

Ca qami', ma' daañira'guit, ca' qaica 'nejem da netoonaxaqui', ñi re'taxanata'e' no'xa ma'le queda netoonaxaqui'; qanodoota'a qami' ma'le da nesallaxa chicqa'gue da lahi ana huaaxai, qoỹaanem qami' ma'le da lesallaxa na ỹoreta'oguit qomyipi.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Oseas 11:10

Yi'maxare quegue ma'le ñi qara'gaxala', chaqai ñi'maxare ronoqo 'ec ca sauaxaic leta'a. Ronoqo quená'maq lalamaxareteripi, ca na'maxare i'loxolta'guit, chicqa'gue da lauashiguim.

Oseas 5:15

Ca ma'le, ca' yapila na ỹoma', chi ỹovireto'o' ma' yi'maxare no'uenegue da lasauaxaset, ca' nanac idaanaque aỹim. ¡Ma' ỹovira'a da le'xoric, ca' idaanaque aỹim!

Oseas 6:1

Nahiquena qamiá'ogue, ca' sopilaxa ñi qara'gaxala'. Ñi'maxare ỹopoxoỹaxatete' qomi', qam qai'neeta natarene' qomi', ca qaromatec; qarcoñirqachit, qam qai'neeta qarataren ma'le.

Miqueas 4:1

Naua co'uaataxante' na'xata', ca qai'taxajñi ma'le ada qa' dá'maq nejlec ñi no'ueenaxanaxaqui quiñi qara'gaxala'. Ada'maxare paguec lishicshi'megue ma'le, paguec ladogaxa caná'ogue ana liỹa qa'. Ca ná'ogue na ỹoreta'oguit qomyipi nacpegue' ma'le;

Números 24:14

Ajá'a, sopil quecá'maq chi ỹa'a'. Qam nagui ma' saqa' seloqouec, ca' sahotaque sa'xachiraxarom dá'maq 'neeta ma'le yi qomyipi quena qauochi' laseripi.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?