Oseas 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca ñi qara'gaxala' liỹa 'naac caỹim: Mo'e', ca rqo'chita ma'le aca 'aalo nqo'itqate queca nauochaxaua chaqai nanatqa lo'o'. Ca' chaqaida 'neeta da iqo'iichi quena Israel laseripi, 'eno'm que'uegue na ỹoqa'a qota'olqaipi chaqai ỹa'ic ana naqaulata qoỹaanot na'maxare.

Oseas 3:1 Iomraidhean Croise

2 Samuel 6:19

Ca sá'ogue só'maq ỹalequetaho queso llaalqaipi so Israel, na ỹale chaqai ana 'aalo, qoỹaanem 'óna pan quiñi 'óna, chaqai ana nashiviaqata la ana nanecse chaavic dátiles, chaqai ana nashiviaqata 'uva. Ca co'na' ime dá'ogue, ca' pilapego quenaua la'aate'.

Éxodo 32:6

Ca na' nete'etam queso liỹa na'xa'a, ca qaỹodouo na iseripi quiyim qaỹavigaxat, qaỹa'ue nachitaxanataxanaxat, ca qaỹopilot ñi'maxare. Ca na' ime, ca sá'ogue so qomyipi nqa'xanñi, ca' que'e chaqai ne'et. Ime, ca ne'laxashiguim, ca rishiguiỹata'. (32.7-14 Ñi qota'olec ỹahotaque nalauajñi so lalamaxareteripi, qam so Moisés nqouagaxain quiyim sqai 'ne'tegue dajo.)

Cantares 2:5

¡Vii ca ỹa'ñaaqataxanaxat higo na'dec, yqui'ỹaxañigue aca manzana, ma' mashic yalolqachit da iqo'iichi!

Isaías 45:22

Nahiquena, qaiyi ñca'laxaterec qamiri ma'le, qomyipi quenaua lahil na 'laua, ma' ỹim qota'olec, ca' qaica ca liỹa.

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Oseas 2:5

Aso late'e nedequen; na'laxatañi quiyim qaimaqachin na' 'naac: Ỹim shic, sedaanaque cá'maq nqo'ta aỹim, cá'maq nañaañim ca noq pan chaqai ca ỹaquip huaxaỹaq, ca qagreta laue chaqai ca lino, ca aceite chaqai ca ñi'taxat lataxa.

Amós 2:8

Na'maxare ipiguinñi na ỹoqa'a nooỹac nillicseripi, ca' nenanlec, ỹalequetau'a na nqui'ỹaxaquipi quena' qaimaqachin na nashiilec nqolaquipi; rishiuetenaxana quena lataxa ana lam lachoxonataxanqate, ca' ne'et quena lataxa quenaua lauooto' na lashiilqaipi nqolaquipi.

Amós 6:6

Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!

Zacarías 1:16

Vichiguiño' ỹim na'gaxala' shinac: Nagui lotqai liỹa yqouaguegue yi Jerusalén, ca' ỹim so'uet quiyim liỹa qano'xonshiguim ca no'ueenaxanaxaqui chaqai yá'ogue yi na'a'.

Mateo 26:50

Ca' so Jesús 'naaco' queso'maxare: —Qami', ¿negue' ca naquire'oga? Co'na'le, ca qanqo'neu'a so Jesús, ca' qaiconlec, ca qaicoñi'.

1 Corintios 10:21

Ca' se ỹa'maxañi quiyim ni'chiigui aca 'taxaqui tai'a quena' qoyiuelec so qara'gaxala', ca ime lotqai ni'chiigui aca 'taxaqui tai'a quena' qoyiuelec na lelaatqaipi so na'ỹaapec. Chaqai se ỹa'maxañi a'guii ca na'ic tai'a quena' qaỹo'leente so qara'gaxala', ime lotqai a'guii ca na'ic mashic qoỹaanot na lelaatqaipi so na'ỹaapec.

1 Corintios 10:7

Vichiguiño' qamiri se ishit denaxachii da 'ne'tegue so qomyipi, ma' 'uo' quen na nqouagaxainot na nashiilec nqolac, ma' naua naneresañi la'qaatqa ñi qota'a 'nerac: “So qomyipi nqa'xanñi. Ime, ca' ỹo'uet so lqui'ỹaxac chaqai ne'et. Ime, ca' nachajñi, ca' ỹo'uet ca lemaqachic.”

1 Pedro 4:3

Ca mashic nalootañi dá'maq shi'gue 'viichitac quesaua 'auaxaqa ñaxari dá'maq nqo'ta ỹo'uet ná'maq se iuanapega ñi qota'a. Ca' quesaua 'auaxaqa na'xata', ca' qamiri quiita'pegue' da namaanaxanqachic, quenanchaqaina quená'maq se no'uen, 'taxac, chaqai na nemaqachic 'xoic na naỹaac, sqa laỹa'gue da ne'taxaguii, chaqai nqouagaxaiñitacot na nqolac ná'maq se qaỹa'maxaren.