Oseas 2:23 - La'qaatqa ñi qota'olec Qota'olec & Qota'olec Novita Na Qomyipi

²³ Sa'yiñi ma'le yi ỹalamaxareteripi quena 'laua, qaica ca taỹa'gue, qaỹimeta; ca' yqouaguegue ma'le añi leenaxat se qanqouaguegue, chaqai shinac ma'le quiñi leenaxat se ỹalamaxaret iuo': Ỹaatqajam qami' ỹalamaxaret. Ca ñi'maxare 'naac ma'le caỹim: Ỹaatqajam qami' qota'olec caỹim.

Oseas 2:23 Iomraidhean Croise

Salmos 118:28

Saanot qami' da ña'aachic chaqai semaqachin da recaiqui', ma' qami' ná'maq qami' qota'olec caỹim.

Salmos 22:27

Qamiri ni'ic, chaqai ná'ogue na ỹoreta'oguit qomyipi quenaua'que naua lahil na 'laua: o'lliinchii'a ñi qara'gaxala', ca' naguipegue'; ¡'yiỹoto naua re'cootallii ñi'maxare!

Ezequiel 36:29

Ñaqata'alo qamiri ma'le quená'ogue ná'maq rapio'xochii. Ca' so'uet quiyim 'xoic ma'le ca na'ic trigo, ca' tot ỹovitalo qamiri nqaishin ca nqopaaxa.

Oseas 1:6

Ca' aso Gomer lotqai liỹa 'man, ca 'ue aso llaale. Ca ñi qara'gaxala' 'naac queso Oseas: Ñitegue leenaxat se qanqouaguegue ayi nocto'lli', ma' tot yqouaguegue ma'le yi Israel. Tot sapalaxat na lasauaxaset.

Zacarías 14:16

Ca ma' ime dajo, ca só'maq ca'laaxaiquipi quesó'maq nco'uaata'pegue' yi Jerusalén, ca naua'que naua ñaxari taatapegueu'a ñi nashi quiyim nqouagaxainot, ñí'maq na'gaxala' sqaica lqalanec, chaqai ỹo'uet so lemaqachic quena' imaqachine' saua na'xata' quena' qoyintauguilo naua 'imqolqai' na'derañi.

Zacarías 14:9

Ca' quecajo na'xa'a, ca' ñi qara'gaxala' ỹoiquentac ma'le ná'ogue na 'laua. Ca ma'le, ca' qaiñiita ñi qara'gaxala', chaqai qai'neeta qanodaqajantec da leenaxat.

Malaquías 1:11

Quená'ogue na qomyipi quena 'laua imaqachintac aỹim; chaqai quenaua'que naua lahil na 'laua qaicopata'a na nichiinaxanaxat quiyim qayimaqachin chaqai qaỹa'ue na nachitaxanataxanaxat, qam chalego la'maxa.

Romanos 3:29

Ca ¿peeta'a ñi qota'olec nodaatec quiyim qota'olec quena judioipi? Ca' ¿mese qota'olec qai'neeta quena sqai judioipi? Ajá'a, ñi'maxare qota'olec qai'neeta quena'maxare.

Santiago 1:1

Aỹim Santiago, aỹim la'ac ñi qota'a chaqai so qara'gaxala' Jesucristo, selata da iquinaxanaxac na qomyipi quená'maq chicqaugui so doce llaalqaipi so Israel quená'maq neuagaxajlec ná'ogue na 'laua.