Oseas 2:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ỹim na'gaxala', se'taxajñi da ỹa'qaatec: Ca' ỹim ma'le quecajo na'xa'a sasaachiguit na piguim, chaqai na piguim saachiguit na 'laua;

Oseas 2:21 Iomraidhean Croise

Isaías 62:4

Ca' tot qohinac caqami' Nalate, chaqai na na'aateripi quena na'laua'e' tot qohinac Qanopoxoỹaxajñi, ta'ta'a dá'maq qadeenaxachi' ma'le 'neetasa': Paguec iqo'itqate qami', chaqai dá'maq leenaxat na na'laua'e' Ỹoua. Ma' qami' aná'maq paguec lqo'itqate ñi qara'gaxala', ñi'maxare 'neetari' ca loua na na'laua'e'.

Isaías 62:5

Ma' 'nejem ca ne'necoqui' quiyim shilliguit aca napiitaxaua, ca' chaqaida 'ne'tegue ñi qota'olec icoñiraxaua' quiyim qami' loua, liỹa no'xonshiguim aqami', ca' netoonta'pegue qami', 'nejem cá'maq chita'gue 'on netoonta'pegue aca loua.

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Ezequiel 36:29

Ñaqata'alo qamiri ma'le quená'ogue ná'maq rapio'xochii. Ca' so'uet quiyim 'xoic ma'le ca na'ic trigo, ca' tot ỹovitalo qamiri nqaishin ca nqopaaxa.

Joel 2:19

ca 'naac: So'uet ma'le quiyim 'ue caqamiri ca trigo, ca lataxa chaqai ca aceite, chi ỹovireta'a nqaishin ra'maxaichiguiñi; ca tot liỹa sa'maxaren quiyim ri'ñiitac na qomyipi sqai huelec aỹim.

Malaquías 3:10

Nodohiuo añi 'oono'lli' añí'maq qanasectaxatec quen quiyaua diez quiñi nachitaxanataxanaxat lahi' añi no'ueenaxanaxaqui, qaiyi 'ue ca na'ic quiñi iuo'. Ñaq yi'guiñii quedajo pogoño' se sauatouguilo naua nqotel quena piguim, ca' chalego ca ra'maxahi ñocori'ñalo qamiri.

Malaquías 3:11

Ca' mesqai saxanegue quiyim na nichigaxanaq nichiguiñi na qadañicshiguii ala chaqai naua qadanaxahi 'uva lomaate'.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?