Oseas 2:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ỹim so'uet quiyim qami' ỹoua chaqai ỹaatqajam saqamaxachite', ca qami' ma'le, ca' ya'yiiñi' quiyim ỹim na'gaxala'.

Oseas 2:20 Iomraidhean Croise

Génesis 9:10

chaqai quená'ogue ná'maq iseripi riỹahitac chicqaugui añi rahiri huaxaỹaqse: na ỹoipi, chaqai na iseripi neloipi chaqai na neuequipi, chaqai ná'ogue na iseripi hueetalec ana 'laua.

Isaías 62:4

Ca' tot qohinac caqami' Nalate, chaqai na na'aateripi quena na'laua'e' tot qohinac Qanopoxoỹaxajñi, ta'ta'a dá'maq qadeenaxachi' ma'le 'neetasa': Paguec iqo'itqate qami', chaqai dá'maq leenaxat na na'laua'e' Ỹoua. Ma' qami' aná'maq paguec lqo'itqate ñi qara'gaxala', ñi'maxare 'neetari' ca loua na na'laua'e'.

Ezequiel 16:62

Ỹim sadalaxat ma'le da ña'deenaxac caqami', ca' 'yiiñira'a ma'le quiyim ỹim ra'gaxalachi'.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Ezequiel 34:25

Ca' sa'ue ca ña'deenaxac ma'le quena'maxare, ca' 'chiñi nqaishin ca la'maxa. Na'laañi nqaishin ma'le na isecỹac toxonaxai quenajo 'laua, qaiyi i'maqajlem ana ilo qagreta quena no'ueenaxa chaqai quiyim laqaugui na 'oochi.

Ezequiel 34:27

Ana qo'paq quena no'ueenaxa 'ue ma'le ana la, chaqai na nanec quena 'laua qanaqat na la, ca na'maxare i'maqajlem neetalec ná'maq chi na'laua. Ma' ñaqata'a na ỹalamaxareteripi quená'maq la'aquipi, ca ma'le, ca' ỹa'deena'a quiyim ỹim la'gaxala'.

Oseas 2:19

Qami' Israel, ỹim so'uet sqaica lqodoc quiyim qami' ỹoua, qami' ỹalamaxarete ỹoua, ma' chaqaida 'neeta da nouaỹaxac, ma' sqaica nqai 'nejem da iqo'iichi caqami'.

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Miqueas 4:3

Ñi qota'olec imit ma'le ná'ogue na ỹoreta'oguit qomyipi, ca ñi'maxare ỹa'maxajñi na reloquitapigui na 'xoic qomyipi, vire'ta ná'maq paguec qoỹoqo'ta. Na'maxare ỹosogui na lecaachiripi, ca ỹo'uet na nasaugaxanaxat lap llaaxa, chaqai cana laqui, ca ỹo'uet na lichaxasoxonaxat. Tot qaica ma'le ca qomyipi quiyim icona ca lo'goxonaxat, ca' nco'ỹa'e' ca liỹa, chaqai tot qaỹapaxaguinegue cá'maq 'neeta'gue quiyim eec queca lauataq.

Zacarías 9:10

Na'maxare nopoxoỹaxajñi ma'le na nahoglenaipi quiyi Efraín, chaqai na shipiguiripi quena Jerusalén, ná'ogue ana no'xoshic lauataxaqui. Ỹa'xateta'guit da neuagaxa quená'ogue na qomyipi quena 'laua, chaqai vire'ta na huaaxaipi ỹoiquentac chicqochi'ñi aso lachiugue Eufrates, ca ỹovireta'ogalo naua'que naua lahil na 'laua. (9.11—13.9 Liỹa qanadalaxashiguim yi Israel. Qaỹa'xateta'guit quiyim liỹa qanca'laxatec. Saua dos neloxoỹa' cana qagreta. Qanca'laxatec yi Jerusalén. Ñi qara'gaxala', chaqaiñi ñí'maq qota'olec caỹim.)

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Lucas 10:22

Ca' 'naapego' so qomyipi, 'naaco': —Ñi ita'a nañaañim ná'ogue na na'deenataxanaxac. Ma' qaica ca ỹa'den negue' najo llaalec, chaqaiñiita ñí'maq leta'a. Chaqai qaica ca ỹa'den negue' ñí'maq leta'a, qainaata ná'maq llaalec, chaqai quecauajo cauá'maq ñi'maxare ỹahotaque ỹa'deenaxanaxanque.

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Juan 8:55

Qam qamiri sqa huañiỹapega ñi'maxare; qam ỹim maxasa' seuana. Qam queta' shinac se seuanapega, ca' ỹaatqajam ỹim quet 'maatqaic, shinta quet maqamiri. Qam ỹaatqajam llic seuana, chaqai ña'xaỹaxana cá'maq 'naac ñi'maxare.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Filipenses 3:8

Qam mesqaidaata dajo, ma' ná'ogue ná'maq hueeto'ot quet aỹim qaica quet cá'maq 'negue nqaishin, ma' se nalo'guit nqaishin dá'maq 'neeta quiyim seuana so Cristo Jesús só'maq ỹa'gaxala'. Ma' chaqaiso só'maq Cristo só'maq 'em quiyim ná'ogue ña'laxatañi, chaqai ná'ogue 'neetari' nqaishin ca lete, ma' sahotaque ỹaueguec so Cristo,

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

2 Timoteo 1:12

Ca' chaqaida dá'maq 'em 'ue da i'xoric. Qam se ypocoqotac, ma' sa'deenta só'maq hueeto'ot da ñaquitaxac. Chaqai ỹaatqajam sa'deenta quiyim so'maxare 'ue da lquesaxanaxa quiyim netela'a aỹim quedá'maq pataxailec, ỹovireta'guit nqai'en cá'maq pa'aatec na'xa'a.

Hebreos 8:11

Ma'le, ca' qaica quet cá'maq ỹapaxaguintac ca liỹa, se ỹapaxaguin ca nauegaxaua, chaqai ca lqaỹa, quiyim iuañiua', ỹim ra'gaxalarii. Ma' ná'ogue iuañiua' ma'le, ỹovira'a ná'maq qom qaica ca lemaqachic, chaqai ná'maq paguec qaimaqachin.

1 Juan 4:6

Qam qomi', qomi' lalamaxarete' ñi qota'a. Ca cá'maq iuana ñi'maxare, ca' na'xaỹaxanalo qomi'. Qam cá'maq se lalamaxaret ñi qota'a, ca' se na'xaỹaxanoxoua'. Ca' queda, ca' seshitaq sa'deenaq cá'maq hueetagui cá'maq llic no'uen 'ueenataxac chaqai cá'maq hueetagui ca 'ueenataxac 'maatqaic.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.