Oseas 2:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' quecajo na'xa'a, ca so'uet ca iqouagaxa quena Israel, sa'ue ca ña'deenaxac quena iseripi neuec, ana qo'o chaqai na nqai'ec; sopoxoỹaxachigui chaqai ñaqata'a quenajo 'laua na no'xoshic, na lecat chaqai na lauataq, qaiyi na ỹalamaxareteripi llaalqaipi so Israel i'maqajlem, nco'matec.

Oseas 2:18 Iomraidhean Croise

Salmos 148:10

¡Na iseripi neloipi chaqai na neuequipi! ¡Na ỹoipi chaqai na nqai'iquipi!

Salmos 23:2

Yco'mataxanaxanec quenaua lo'ualqate' na 'uaqapi, chaqai yauega ná'maq hua'ñi na huaxaỹaq se reda queso ñaachi,

Salmos 46:9

ñi'maxare ime nqai'en na lauataxac quenaua'que naua lahil na 'laua; ỹaqaguit na no'xoshic, ỹaqaguitetajlec ana niquillipi, ¡copata'a ana nahoglena lauataxaqui!

Isaías 2:11

Na nemaqajnaxairipi se nedaanshiguim ma'le; na napacqajnaxairipi nemanachit ma'le. Qaisoota so qara'gaxala' qota'olec ỹachaxan ma'le da lecaic quecajo na'xa'a,

Isaías 2:17

Na nemaqajnaxairipi chaqai na napacqajnaxairipi ỹaatqajam nemanachit nqohin ma'le. Qaiñiita ñi qara'gaxala' ỹachaxan da lecaic quecajo na'xa'a

Isaías 54:5

ma' ñí'maq qami' lo'ueenata icona qami' ma'le quiyim qami' loua. Ca' dá'maq leenaxat ñi'maxare na'gaxala' qaica lqalanec; ñí'maq naqata'a qami', ñi'maxare co'teeta qota'olec quiyi Israel, ñi'maxare qota'olec quená'ogue na 'laua.

Isaías 65:25

So isecỹac toxonaxai chaqai so qagreta llaalec que'eeta'pe, nouanta'ta', na sauaxaic leta'a ỹa'ic na 'uaqapi 'ec na ñii'lola, chaqai na nanaic ỹa'ic na 'laua. Chaqai caná'ogue ana ñaqa' ladocai Sión qaica cá'maq que'maqachit ca liỹa. Ñi qara'gaxala' ỹaatqajam i'taxajñi da la'qaatec. (66.1-24 Se qanqo'ta qareualaxaitalec da qouagaxainaxac. Huaxanaxaset chaqai da nca'laqataxanaxac.)

Ezequiel 34:25

Ca' sa'ue ca ña'deenaxac ma'le quena'maxare, ca' 'chiñi nqaishin ca la'maxa. Na'laañi nqaishin ma'le na isecỹac toxonaxai quenajo 'laua, qaiyi i'maqajlem ana ilo qagreta quena no'ueenaxa chaqai quiyim laqaugui na 'oochi.

Zacarías 14:4

Ca' cajo na'xa'a, ca ñi qara'gaxala' ca' co'uejlec ma'le ada qa' ladocai qaỹamata'gue huaalec ana olivo lashi, adá'maq reloqota'oga yi Jerusalén queda lqodoigue. Queso ca'megue lodegaxat taỹa'gue da lqodoigue chaqai da lauashiguim, ca' shicchigui ma'le na lavinñi ada qa' ladocai huaalec ana olivo lashi. Ca' na lavinñi ada qa' ladocai taigue da rapiguim ma' redaa, chaqai da liỹa lahi, ca' taigue da 'guiñi ma'le.

Zacarías 14:9

Ca' quecajo na'xa'a, ca' ñi qara'gaxala' ỹoiquentac ma'le ná'ogue na 'laua. Ca ma'le, ca' qaiñiita ñi qara'gaxala', chaqai qai'neeta qanodaqajantec da leenaxat.

Zacarías 9:10

Na'maxare nopoxoỹaxajñi ma'le na nahoglenaipi quiyi Efraín, chaqai na shipiguiripi quena Jerusalén, ná'ogue ana no'xoshic lauataxaqui. Ỹa'xateta'guit da neuagaxa quená'ogue na qomyipi quena 'laua, chaqai vire'ta na huaaxaipi ỹoiquentac chicqochi'ñi aso lachiugue Eufrates, ca ỹovireta'ogalo naua'que naua lahil na 'laua. (9.11—13.9 Liỹa qanadalaxashiguim yi Israel. Qaỹa'xateta'guit quiyim liỹa qanca'laxatec. Saua dos neloxoỹa' cana qagreta. Qanca'laxatec yi Jerusalén. Ñi qara'gaxala', chaqaiñi ñí'maq qota'olec caỹim.)