Oseas 2:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca ma' ime, ca' sopilaxatem na lanaxanqa' 'uva loma', ca' yi ca'megue ne'xoyaqa' ñigui nqaishin quiyim chicqochigui ma'le ca naquitaxac añi'maxare. Ca' quiyi ma'le, ca' saachiguit aỹim 'nejem cá'maq na' ñaqai nogot, 'nejem cajo na'xa'a na' ca'e yi Egipto.

Oseas 2:15 Iomraidhean Croise

1 Reyes 16:31

Ma' so'maxare ỹaatqajam chi ỹo'uet na lasauaxaseteripi 'ec so Jeroboam, só'maq llaalec so Nabat. Chaqai vire'ta o'ñiguit aso Jezabel, llaale so Et-baal, nashi quiyi Sidón. Chaqai vire'ta na' imaqachin chaqai nqouagaxainot so nashiilec Baal.

Isaías 65:21

Na qomyipi no'xonshiguim ca lauo' 'imec, ca' naugui ca'maxare, chaqai ỹa'ue ca lanaxanqa' 'uva loma', ca' ỹa'ic ana la.

Jeremías 2:1

Ñi qara'gaxala' ỹaatqajam ỹalamaxachichigui aỹim, ca 'naapiguiỹa':

Jeremías 2:2

Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Jeremías 29:11

Ỹim sa'den cá'maq shinta'gue ma'le caqamiri quiyim ra'maxaiñi, mese sqa'viỹa'guelo qamiri, quiyim sa'ue cá'maq ỹaatqajam lodegaxat naquitaxaguii ma'le. Ỹim na'gaxala', se'taxajñi da ỹa'qaatec.

Ezequiel 16:22

Ca' queda qaica nqo'ta no'ueenataxaqui' ma' qami' nedequenaxai, ca' tot no'viñitegue dá'maq 'ñi'sari' quen na' ñaqai ñi'sauec quen chaxasoxoñi'sac vi'sañigui ca reuoripi'i'.

Ezequiel 16:60

Qam ỹim se sa'laxate ma'le da qana'deenaxac na' ñaqai qami' nequetegaxai, ca' so'uet ma'le caqami' ca qana'deenaxac, qam sqaica lqodoc.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Oseas 11:1

Ca na' ñaqai 'ec ñaaqaipioqui' so llaalqaipi so Israel, ca ỹim se'xorentac; ca so'maxare, ma' ỹaalec, ca' soỹaxana'a quiyi Egipto.

Oseas 2:12

Ñaqaguijñi na lanaxanqa' 'uva loma' chaqai na higo loma', quená'maq 'neetapega quen añi'maxare: Najo ná'maq qanañan, nañaañim ná'maq ỹim lqo'itqate. Qam aỹim ñigui nqaishin ca lo'oochaxa leesat, ca ỹa'ic ma'le na isecỹac neuec.

Juan 10:9

Ỹim ná'maq ỹim lasom; cá'maq inoxontougui aỹim, ca' ca'laaxaic ma'le. Ca 'nejem ma'le aca qagreta quena' inoxono chaqai quiyim nenoxonec cañi lahi', ca' ỹanata ca 'uaqapi.

Hechos 14:27

Ca co'na' ỹovijta yi Antioquía, ca' lapoondeta' ná'maq mashic ỹacoñiguit da na'qaatec. Ca' ỹa'xate' ná'ogue ná'maq ỹo'ueeto' ñi qota'olec quesaua'maxare, chaqai ỹa'xatesac da 'neeto' ñi'maxare co'na' 'ec ỹauate'oga da lpi'ỹaxac na mesqai judío, qaiyi qoyiuelec ñi qara'gaxala'.