Oseas 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ỹim so'uet ma'le quiyim nqo'chiiua': ca se'xategue da 'laua qaica qom, ca ỹaatqajam ñineequesene'tot, ca sa'llaxat añi le'taxanata.

Oseas 2:14 Iomraidhean Croise

Génesis 34:3

Qam ỹaatqajam nqo'neuec da lqo'iichi, ca' 'ue da liyaxa quiyim ipaca'guit aso'maxare, ma' nqo'ta.

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Isaías 5:5

Hua', ca' nagui sahotaque sa'xat cá'maq sahotaque shine'tegue ma'le yi ỹanaxanqa': ñaqat ma'le so lquepaxaset, qaiyi qanaqaguijñi; ropoxoỹa'gue nqaishin so lapoxonaxat, qaiyi qaico'uelec;

Jeremías 2:2

Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Jeremías 45:4

ca' yila' quiyim shinac caqami': Ỹim ñopoxoỹaxajñi ná'maq ño'xonshiguim chaqai ñapoc ná'maq sanñi. Ca' chaqaida shine'tegue quená'ogue na 'laua.

Miqueas 1:7

Ná'ogue na lashiilqaipi lahiletajlec ma'le, chaqai qaicopata'a ana loỹo nqouagaxainaxalate. Ma' na'maxare qaỹachigoxotaugui ana nam dequenqate, ca lotqai sopilaxachichigui aná'maq qaỹachigoxotaugui.

Juan 12:32

Ca ma' ỹovita quiyim qananojshiguim aỹim quena 'laua, ca' ñauego ma'le ná'ogue na qomyipi.

Juan 6:44

Sqaica ca ishit nacpegue' aỹim, no'm se qanauego quiñi ita'a ñí'maq yila'; chaqai aỹim liỹa ñca'laxatec queca pa'aatec na'xa'a.

Apocalipsis 12:14

Qam aso 'aalo qoỹaanema saua dos late'el laua' na ho'ic, qaiyi ishit ỹo, taỹa yi chi loma' quiyi 'laua qaica qom, ca qoỹoqo'ta so 'ec nanaic. Ca' yí hua'ñi, ca chi qaiqui'ỹaxantac quesaua tres ñaxari chaqai so lavinñi so liỹa ñaaxa.

Apocalipsis 12:6

Ca' asó'maq 'aalo 'eet, quepegue' yi 'laua qaica qom, yí'maq hua'ño' ca loma' qaỹa'maxatetañi quiñi qota'a. Ca' chi qaiqui'ỹaxantac quecaua mil doscientos sesenta na'xata'.