Oseas 11:9 - La'qaatqa ñi qota'olec Qota'olec & Qota'olec Novita Na Qomyipi

⁹ Mese ipaguigui nqaishin dá'maq 'neeta da ỹonogoxonaxac; tot liỹa ñopoxoỹaxajñi yi Efraín, ma' ỹim, ỹim qota'olec, mesqai ỹim qom. Ỹim ná'maq ỹim sco'teeta, ỹim sentañigui naua lavilliñi' qamiri, chaqai se ñanac quiyim 'ue ca ñopoxoỹaxajñi.

Oseas 11:9 Iomraidhean Croise

Salmos 46:5

Ñi qota'olec neetañigui lavinñi yi'maxare chaqai ro'ootaxanteguelec, ñi qota'olec ỹotauantac quena' sham richiguiñi.

Isaías 31:1

¡Chalego le'xoric ná'maq ỹahotaque qaỹotauan, ca' taigue da Egipto, quená'maq 'ue da lpi'ỹaxac quena shipiguiripi, ná'maq pi'ỹa'a ná'maq 'xoic ana lahoglena chaqai quená'maq ỹaatqajam 'xoic na lalo shipiguiripi, ca' tot nqovilga ñí'maq co'teeta qota'olec quiyi Israel, se idaanaque ñi qara'gaxala'!

Isaías 5:24

Ca' chaqaida dá'maq 'neeta na norec quena' ỹavigaxat na 'uaqapi chaqai na lauaq ỹavicañi nqai'en ana laue lasooxoi, ca chaqaida 'neete' qamiri ma' ra'lliỹañi, 'ec ana qo'paq ỹasoochi'ñoto naua lpa'yii chaqai ana lenoỹaxai sogui 'ec na lo. Ma' sqai coñiguit da napaxaguinataxanaxac chaqai da naqataxac quiñi qara'gaxala' sqaica lqalanec, ñí'maq co'teeta qota'olec quena Israel. (5.25-30 Nouaxanaxaset na nemaqajnaxairipi. Ñi qota'olec nelata yi Israel so qomyipi qoỹoqo'tegue da na'gue quiyim nco'ỹa'e'.)

Jeremías 26:3

Sqoue na'xaỹaxana qami', ca' ỹaxañiñi naua se no'viiñi, ca' ỹim se sepacqajñigui ca nouaxanaxaset dá'maq sahotaque so'uet, sauaxate' naua se no'viiñi lo'ueenataxanaxaco.

Malaquías 3:6

Ỹim ná'maq ỹim na'gaxala'. Se ñadalaxat. Vichiguiño' qamiri chigoxoỹaugui so Jacob se qanomachiñi qamiri.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.