Oseas 11:8 - La'qaatqa ñi qota'olec Qota'olec & Qota'olec Novita Na Qomyipi

⁸ ¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Oseas 11:8 Iomraidhean Croise

Génesis 14:8

Co'na'le, ca' so nashillipi quiyi Sodoma chaqai yi Gomorra, Adma, Zeboim, chaqai so Bela querepegue' yi ca'megue leenaxat Sidim. Ca' quiyi saua cinco nashil nalauatere'e' so Quedorlaomer, Tidal, Amrafel chaqai so Arioc, sauajo cuatro nashil quiyi Elam, Goim, Sinar chaqai yi Elasar.

1 Reyes 3:26

Qam asó'maq ỹaatqajam late'e so noctoqui' nca'leetauec ỹaatqajam 'xoic nqai'en da le'xoric, ca' ỹaatqajam ne'xoresene'tot so nashi, 'naaco': —¡Yi'xoriñi', sqa lauachi' da noctoqui' nca'leetauec, qami' ỹashi! ¡Ta'ta'a quiyim 'ỹaañitem ada 'aalo! Qam aso liỹa 'naaco': —'E', se qanañaañim chaqai se qoỹaanem qami'. ¡'Maxaraic quiyim qaichaxañigui na lavinñi!

Isaías 63:15

Qami' qara'gaxala', ñaq namachirañi quena piguim, quená'maq noma' co'teeta chaqai 'ue lauaq ñi'sa'ñi. ¿Negue' cá'maq hueeta'gue cá'maq chalego re'xorenataxanaxa'e' coqomi' chaqai ca rquesaxanaxa'e'? ¿Negue' ca hueeta'gue ca rauochaxa'e'? ¿Imeuo' ca rqouagaxa'e' coqomi'?

Jeremías 18:8

Qam cajo qomyipi, no'm ỹaxanñi da ỹo'ueetetac se no'uen, ca' se selata ca nouaxanaxaset sa'maxatetañi.

Jeremías 42:10

No'm qamiri viitaque sqai dahi quenajo 'laua, ca' ỹim so'uet quiyim 'ue nqaiyi caqamiri; se ñopoxoỹaxajñi qamiri, ta'ta'a quiyim sañiñi qamiri, ca se ñapogue' qamiri, ma' 'ue da ñitogotaxa quiyim ñila' da re'xoriguii.

Oseas 6:4

Ca' ñi qara'gaxala' 'naac: ¿Nega'ỹo' ca shinta'gue qami' Efraín? ¿Nega'ỹo' ca shinta'gue qami' Judá? Dá'maq rqo'iichii caỹim, 'ec na neue' quiyi nete'eta, 'ec ana 'ỹa' quiyi na'xa'atac, ma' palac quiyi nete'etam.

Amós 4:11

Ỹaatqajam chalego da re'xoriguii na' ñopoxoỹaxachiñi qamiri, 'nejem só'maq selata na'le yi Sodoma chaqai yi Gomorra; ỹaatqajam chaqai 'nejme' qamiri ana poqo quena' chita'gue qanaqajta queca norec, ¡qam qamiri se rapilliua'! Ñi qara'gaxala' i'taxajñi da la'qaatec.

Amós 7:3

Ca na'le, ca' ñi qara'gaxala' qaca'guit nqai'en dá'maq sham 'ne'tegue, ca 'naac: —¡'E', dajo sqai 'neeta ma'le!

Amós 7:6

Ca na'le, ca' ñi qara'gaxala' nallaa quedá'maq sham 'ne'tegue, ca 'naac: —¡Qai'neeta dajo sqai 'neeta ma'le!

Miqueas 5:3

Nagui, ca' ñi qara'gaxala' ỹaxantac na lalamaxareteripi, ỹovireta'a nqai'en ma' chi co'o añi 'aalo nauaantaque quiyim ne'qaañi ca llaalec. Ma'le, ca' qaigueme rapil na lauo' laseripi, quená'maq llaalqaipi so Israel hueetalec yi ỹoqa'a 'laua.

Mateo 23:37

¡Qami' Jerusalén, qami' Jerusalén, ma' qami' lauachirac na netaxaỹaxanqajanqaipi chaqai naqai' quena qa' ná'maq nelata qami' ñi qota'olec! ¡Ỹoto'o' sahotaque llapoonta' na qachaalaxai'ipi, 'nejem aca huaqa'e quena' lapoonta' na llaalqaipi, ca illo'oto naua laua', qam sqai 'maxariñi'!

2 Pedro 2:6

Ñi qota'a qai'neeta ỹa'ue da nouaxanaxasete' saua dos na'aate' Sodoma chaqai Gomorra, copata'alo nasoochiriñi nqai'ne', vire'ta quiyim sá'ogue lo nqai'en. Ma' ỹahotaque laloqojnaxanaxat quená'maq qomyipi hualoxonyipi quená'maq no'ueenalec ma'le na 'laua.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.

Apocalipsis 11:8

Ca ma' ileue', ca nichilnete', hueesa'ñigui nqohine' so nayic quiyí'maq lodegaxat na'a' Jerusalén, yí'maq hua'ño' na' qaipateno so qara'gaxala' Jesús, yí'maq chi qaỹamata'gue Sodoma, loqo'm Egipto.

Apocalipsis 18:18

Ca na' iuane'ta so lesalaxaripi na' qaicopata'a yi na'a' lodegaxat, ca' ỹaualqagui, 'naac: —¿Negue' queto' aca liỹa na'a' 'nejem anajo chalego lecaic na'a'?