Oseas 11:3 - La'qaatqa ñi qota'olec Qota'olec & Qota'olec Novita Na Qomyipi

³ Qam quedá'ogue dajo ỹim sashaxantac so llaalqaipi so Efraín, ca' sapaxaguinegue da llicyaxac, qam so'maxare se ỹa'yiiñiguit quiyim ỹim ná'maq scochiitapega.

Oseas 11:3 Iomraidhean Croise

Salmos 107:20

nela' so la'qaatec, ca' ỹomatec; ¡ca' nca'laxatec queso nelauaxa!

Éxodo 19:4

“Qamiri huañichigui dá'maq shine'tegue na'le so Egipto laseripi, chaqai dá'maq shine'teguelo qamiri na' ñauegalo qamiri ná'maq senta'ñi, 'ec quiyim ñiitalgoto caua laua' ca o'ic.

Isaías 1:2

Piguim chaqai na 'laua, na'xaỹaxañiỹa da la'qaatec ñi qota'olec, 'naac: Siỹaxat na ỹaalqaipi ỹovireta'a quiyim leta'allipi, qam na'maxare npa'guene'e' aỹim.

Jeremías 8:22

¿Qaico' ca lata' dajo quiyi Galaad? ¿Qaico' ca ratarenataxan quiyi'maxare? ¿Chi'neco' ma' se imeuec na iuo' laseripi? (9.1—13.27 Da na'qaatec taỹaugui na nqolaquipi, chaqai quiyim sqaỹaloq qainaxague da ỹoqa'a 'laua so qomyipi, chaqai da na'maqataxac ñi qota'olec queso'maxare. So qomyipi ỹadentalec quiyim 'ue ca 'ne'tegue so Jeremías. Ñi qota'olec chaqai so Jeremías qatesapega so qomyipi queda lasauaxaset.)

Oseas 2:8

Qam añi'maxare qaica ma' ỹa'deena'a quet quiyim ỹim ná'maq saantapeguem na'le na trigo, na aceite, chaqai na lataxa; chaqai ỹim ná'maq ñqo'naxatetashiguim da lesallaxa quena plata chaqai na 'oro ná'maq ro'ueenataxana quena lashiilqaipi.

Hechos 13:18

Ñi qota'olec na'ñaxachiguita naua'que naua se no'viiñi queso qomyipi na' neetalec yi 'laua qaica qom quesaua cuarenta ñaxari,