Oseas 11:2 - La'qaatqa ñi qota'olec Qota'olec & Qota'olec Novita Na Qomyipi

² Qam na' paguec soỹaxantapega, ca' paguec nqo'neetauec caỹim. Na ỹalamaxareteripi copata'a na lachitaxanataxanaxat quená'maq 'naac qota'olqaipi, chaqai ỹa'ue na lichiinaxanaxat quena lashiilqaipi.

Oseas 11:2 Iomraidhean Croise

1 Reyes 12:33

Ca' chaqaida 'neeta co'quena' ỹovirerec saua quince na'xata' quena' ime'ueque saua siete shiriguiri. Ca' so Jeroboam ỹo'uet aso lachitaxanataxanqate illaalec aso ncopatoxonaxalate chi lo'ueenata na'ñi yi Betel. Ca' queso na'xa'a viichigui so nemaqachic, ca so'maxare talaxan, chi ỹo'uet quiyim lemaqajnataxanaxaqui na llaalqaipi so Israel. Ca' ỹo'uet so lichiinaxanaxat lo'daxaraic lahita quiyim ỹavigaxat. (13.1—16.28 So netaxaỹaxaquiripi qata so nashi Jeroboam quiyim se nqouagaxainot na nqolac, qam so'maxare se netogochigui lauel. Da 'neeta da lelauaxa so nashi Roboam queda 'guiñi.)

1 Reyes 18:19

Ca' nagui, ca' vite ca qomyipi lachi' quiyim lapoonta' ná'ogue na llaalqaipi so Israel cada quemaralec qa' ladocai Carmelo, chaqai so cuatrocientos cincuenta letaxaỹaxaquiripi so nashiilec nqolac Baal, chaqai na cuatrocientos letaxaỹaxaquiripi añi nashiila nqola Asera quená'maq qui'ỹaxantac añi roua'e' Jezabel.

Jeremías 44:5

Qam qamiri se na'xaỹaxañiua'. Lama'xa quiitalec 'viichitac na richiinaxanaxachii quená'maq 'ñiỹac qota'olqaipi.

Oseas 11:7

Na ỹalamaxareteripi ipaqueteguelec quiyim noỹootec caỹim; ỹalamaxatashiguim da laualaxac, qam qaica ca ỹotauan.

Oseas 2:13

Sa'ue ma'le da nouaxanaxaset quesá'ogue so 'auaxaic na'xataripi na' ỹahotaque na lichiinaxanaxat quena lashiilqaipi, na' ỹa'ue na no'ueetaxat lichicshaqate chaqai ana lqola, ma' ỹahotaque queeta'pegue' ná'maq nqo'ta añi'maxare, ca' coua'e aỹim. Ỹim na'gaxala', se'taxajñi da ỹa'qaatec.

Lucas 13:34

¡'Xoraiqolqa qamiri ñiita'ñi na Jerusalén, ma' qamiri lauachiỹac na la'qaataxanqajanqaipi ñi qota'a, chaqai naxahitalec quena qa' ná'maq nelaatalo qamiri ñi qota'olec! ¡Ỹoto'o' quiyim sahotaque llapoonta' na qachaalaxai'pi, shine'tegue quiyim 'ec aca huaqa'e quena' lapoonta' na llaalqaipioqui', illo'oto naua laua', qam sqa 'maxariñii!

Juan 3:19

Ná'maq sqai huelec, ca' 'ue ca nouaxanaxaset, ma' na' novita na 'laua so ncoỹeraxanaxat, ỹapacqajnauec da lqo'iichi quena napalaxa, ma' se no'uen ná'maq ỹo'ueetetac.

Hechos 7:51

Ca so Esteban ñaqai queetalec 'neetapega so nashillipi: —Qam qamiri ỹaatqajam 'ñaaxai añi re'taxanatahi, chaqai se na'xaỹaxañii chaqai añi re'taxanatahi 'ec ná'maq se ỹauanapega ñi qota'olec. Chaqaidaata quiyim se remii npa'guiñita'pegue' ñi Espíritu Santo, chaqai 'ñiita so 'auaxaic qata'illipi.

Jueces 2:13

Ỹalat, ca'e ñi qara'gaxala', qaisoota so Baal qanqouagaxaintacot chaqai na ỹoreta'oguit lqui'illipi aso Astarté.