Oseas 11:11 - La'qaatqa ñi qota'olec Qota'olec & Qota'olec Novita Na Qomyipi

¹¹ 'Nejem ana qo'oole nanac i'loxolta'guit chicqa'gue da Egipto; 'ec na coviguiñic ma'le chicqa'gue da Asiria; ca' so'uet quiyim liỹa nauguilo naua lauori. Ỹim na'gaxala', se'taxajñi da ỹa'qaatec. (11.12—14.9 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi. Ỹaatqajam na'lliichiguiñom nqohin yi Israel. So Oseas rashiilaxanlec so lauo' laseripi. Ñi qara'gaxala' 'naac quiyim ỹadalaxat da nachaalataxac.)

Oseas 11:11 Iomraidhean Croise

Isaías 60:8

¿Negue' ná'maq ỹootajlec 'ec na naueguelec, 'ec na coviguiñiguiripi quepegue' ca lco'viichaqa'?

Jeremías 31:12

Nanaqueta, qam ro'ueenaxanta'guit queda netoonaxac quena qoỹoqoshi'ma quiyi Sión, ỹaatqajam le'eetaxat da lqouagaxa ñi qara'gaxala': na trigo, na lataxa chaqai na aceite, na qagreta chaqai ana huaca. 'Neetari' ca nanaxanqa' 'xoic na naquitaxa chaqai tot na'laañi da lquesaxanaxa.

Ezequiel 34:27

Ana qo'paq quena no'ueenaxa 'ue ma'le ana la, chaqai na nanec quena 'laua qanaqat na la, ca na'maxare i'maqajlem neetalec ná'maq chi na'laua. Ma' ñaqata'a na ỹalamaxareteripi quená'maq la'aquipi, ca ma'le, ca' ỹa'deena'a quiyim ỹim la'gaxala'.

Ezequiel 34:28

Ná'maq ỹoqa'a qomyipi tot npa'xanlec ana'maxare, chaqai tot qaretoxoñigui queca toxonaxai. I'maqajlem, tot qaica ca qo'ỹoqochit.

Oseas 3:5

Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)