Oseas 11:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Yi'maxare quegue ma'le ñi qara'gaxala', chaqai ñi'maxare ronoqo 'ec ca sauaxaic leta'a. Ronoqo quená'maq lalamaxareteripi, ca na'maxare i'loxolta'guit, chicqa'gue da lauashiguim.

Oseas 11:10 Iomraidhean Croise

Salmos 2:11

Nqouagaxaiñiỹot ñi qara'gaxala' qota'olec, qam ra'maxaichiguiñi chaqai ỹaatqajam ro'chiỹa; 'yiỹoto naua re'cootallii ñi'maxare, qam re'loxollitari', 'neeto' lotqai ro'o, ca' qamiri rillivii quena nayic, ma' da lonogoxonaxac ỹaatqajam se neme quiyim nachipishiguim. ¡Chalego loyac ca qom cá'maq idaantaque quiyim qaiquepaqataxanlec quiñi'maxare!

Isaías 49:10

Ca' se rqopachii chaqai se ralauachii raquipii, chaqai sqai taalec qamiri ca ra'aasa lauaq, ma' ỹim se'xoriñii chaqai sashaxanta'pe qamiri, chaqai sauequeta'alo qamiri ca hua'ñi ca ne'paxantashiguim huaxaỹaq.

Isaías 64:2

'nejem quena' na norec ỹavic nqai'en na 'uaqapi, loqo'm quena' ni'ỹaamaxat na huaxaỹaq. Ca queta'le na npa'guenaxaua'e'ipi ỹa'den queta'le da qadeenaxachi' chaqai na ỹoreta'oguit qomyipi i'loxol queda lqolonaxa caqami'.

Jeremías 2:2

Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Jeremías 31:9

Naqueta nqouagaxainta'guit chaqai noỹenta'guit. Ỹim sauega yi huaxaỹaq ne'paxantashiguim, queso nayic nalo'ojta', ca' qaica ca repoxolaxan. Ma' ỹim leta'a so Israel, chaqai so Efraín só'maq ỹi ỹaalec.

Jeremías 7:6

no'm sqai hualaxaiñiỹari' chiitegueñi na ỹoqa'a na chicqa'gue, na na'pelyipi chaqai ana pa'ỹellipi, chaqai no'm sqai lauachii na qom qaica ca lasauaxaset quenajo, chaqai no'm sqai 'yiỹoto naua re'cootallii ná'maq ỹoqa'a qota'olqaipi, ma' chaqaina ná'maq 'em nqa'viiñiteguelta',

Jeremías 7:9

Ocachii, lauataxañii, niyiquiñii, se ipaguigui quena' 'ue da 'xachii, 'ỹaañiỹot na richiinaxanaxachii ñi nashiilec Baal, chaqai 'yiỹoto naua re'cootallii na 'naac qota'olqaipi sqa 'iỹapegueu'a.

Oseas 3:5

Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)

Amós 1:2

Quena' ñi qara'gaxala' ỹo'uet quiyim qara'xaỹaque da lavillaxac 'ec soxonaxa, chicqochi'ñi ada qa' ladocai Sión quiyi Jerusalén, ca' naua 'lauari 'xoic na 'uaqapi ỹaso ma'le, chaqai nasogoñi ná'maq hueetalec na lo'lo ada qa' ladocai Carmelo.

Amós 3:4

no'm ca sauaxaic leta'a ronoqo queca 'oochi, ca re'oq quiyim mashic doxonaxan; chaqai no'm ronoqo ca llaalec queca lauac, ca re'oq quiyim 'ue ca loxonec;

Amós 3:8

¿Negue' ca se i'loxol quena lqolonaxa quiyim 'xaỹaque ronoqo ca sauaxaic leta'a? ¿Negue' ca se ỹa'xat da la'qaatec ñi qara'gaxala', no'm qailarelec quiñi'maxare?

Juan 8:12

So Jesús liỹo' retaqaugui na qomyipi, ca 'naaco': —Aỹim chaqaỹim ná'maq lcoỹeraqate na 'laua. Cá'maq coỹareta'pegue' aỹim, ca 'ue ma'le aca lcoỹeraxanaxaqui ỹo'uet da lca'laxa. Ca totqai hueetapougui ca napalaxa.

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

2 Pedro 2:10

Ñi qota'a paguec ma'le ca nouaxanaxaset nqai'en ná'maq queeta'pegue' na se no'uen lamaanaxanqachic quená'maq rapio'qotaxan chaqai liỹoqa'piguit da lelaataxanaxac so qara'gaxala'. Na'maxare ỹaatqajam se na'xaỹaxan, chaqai qaica ca huapigui lauel, chaqai se no'chi quiyim retaxaỹa'guit ná'maq paguec da lquesaxanaxa se re'xogui.

Apocalipsis 10:3

Ca na'le, ca' ỹaatqajam netenegue da laualaxac. Qam da lavillaxac 'nejem na sauaxaic leta'a quena' ronoqo. Ca na' ỹaualaq, ca' siete saua soxonaxal ỹaxandec quiyim qara'xaỹa da la'qaategue'.