Oseas 11:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' ñaqai 'ec ñaaqaipioqui' so llaalqaipi so Israel, ca ỹim se'xorentac; ca so'maxare, ma' ỹaalec, ca' soỹaxana'a quiyi Egipto.

Oseas 11:1 Iomraidhean Croise

Éxodo 19:4

“Qamiri huañichigui dá'maq shine'tegue na'le so Egipto laseripi, chaqai dá'maq shine'teguelo qamiri na' ñauegalo qamiri ná'maq senta'ñi, 'ec quiyim ñiitalgoto caua laua' ca o'ic.

Isaías 43:4

ma' ỹim yqo'chiraxaua', chalego lesega'a qami' chaqai ỹim se'xoriñi'. Sahotaque ñi'so'ot aỹim chaqai quiyim ñca'laxatec da nachaalataxaqui', ca' saanec na ỹalliripi chaqai na ỹoreta'oguit qomyipi.

Jeremías 2:2

Mo'e', ma' vichita yi na'a' lodegaxat Jerusalén, ca taxahi'; nichintegue ca ra'qaachiqui', qaiyi ỹaatqajam qara'xaỹa, 'ñiraco': Da la'qaatec ñi qara'gaxala' 'neetasa': So'leente'te na' ñaqai qami' nogot ỹaatqajam na'maxachite' quen, na' secoñiraxaua' quiyim qami' ỹoua, ỹaatqajam rqo'chiriua' na'le, ca' qui'sa'pegue' na'le aỹim quiyi 'laua qaica qom, yí'maq 'laua qaica ca qoỹanlec.

Ezequiel 16:22

Ca' queda qaica nqo'ta no'ueenataxaqui' ma' qami' nedequenaxai, ca' tot no'viñitegue dá'maq 'ñi'sari' quen na' ñaqai ñi'sauec quen chaxasoxoñi'sac vi'sañigui ca reuoripi'i'.

Ezequiel 16:6

Ca' ỹim shique'tegueyi na'le, ca na' seuane'ta qami' chaxasoxoñi'sac, vi'sañigui ca reuoripi'i', ca so'uet quiyim rca'llirec.

Oseas 2:15

Ca ma' ime, ca' sopilaxatem na lanaxanqa' 'uva loma', ca' yi ca'megue ne'xoyaqa' ñigui nqaishin quiyim chicqochigui ma'le ca naquitaxac añi'maxare. Ca' quiyi ma'le, ca' saachiguit aỹim 'nejem cá'maq na' ñaqai nogot, 'nejem cajo na'xa'a na' ca'e yi Egipto.

Mateo 2:15

Ca' neesa'gue da'maxare, chi ỹovireto'o' na' ileu so Herodes. Ca' dajo 'neeto' na'le, qaiyi ipaquichigui da la'qaatco' na'le ñi qara'gaxala' queso la'qaataxanqajnec co'na' 'naac: “Soỹaxana ñi ỹaalec quiyi Egipto.”

Deuteronomio 7:7

Ca no'm ñi qara'gaxala' ỹaatqajam nca'au'alo qamiri, mesqai dá'maq quiyim paguec qamiri 'xoic quená'ogue na ỹoreta'oguit qomyipi. Ma' llicsa quiyim qamiri paguec sqo vito'olqai' quena'maxare.