Oseas 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam yqouaguegue yi Judá: chaqaỹim ná'maq na'gaxala', ỹim nqota'olec yi'maxare, ñca'laxatec. Qam se ñca'laxatec queca lauataq, ta'ta'a quiyim sqaica nqaishin ca novic, ca lecat, ca shipgaq, chaqai ca qom neetashiguim.

Oseas 1:7 Iomraidhean Croise

2 Reyes 19:29

Ca co'na'le, ca' so Isaías 'naaco' queso Ezequías: Ca' dajo dá'maq netanec ma'le quecá'maq naata: najo ñaaxa chaqai na liỹa ñaaxa 'guiitac ma'le na trigo chaqai ñaxajshiguim, qam queca liỹa ñaaxa, ca' shichii danaxañii chaqai qataxañii, shichii ñiiñi ana 'uva chaqai 'guii ana la.

2 Reyes 19:34

Ỹim so'ootaxanlec ma'le najo na'a' chaqai ñca'laxatec, ma' sa'deena'a so ilaatec David, chaqai ña'deenalta'.

2 Reyes 19:35

Ca' chaqaiso so pe, ca' so lelaatec ñi qara'gaxala' piguim le'ec nalauajñi so ciento ochenta y cinco mil qomyipi queso nco'matqa' so Asiria laseripi. Ca na' richiguiñi queso liỹa na'xa'a, ca sá'ogue shi'co' ileu.

2 Reyes 6:18

Ca co'na' so Siria laseripi co'na' sham queu'a nalauate'e' yi na'a', ca' so Eliseo nqouagaxainot ñi qara'gaxala', 'naaco': —Sashiila'e' quiyim se neuanñi nqai'ñi' najo qomyipi. Ca' ñi qara'gaxala' se neuanñi nqai'en so qomyipi dá'maq ỹahotaque so Eliseo.

Salmos 33:16

Qaica ca nashi nca'leuec, 'eno'm 'xoic ca nalliripi, vire'ta se nca'leuec na 'ñaaxaiquipi 'eno'm 'xoic da lquesaxanaxa;

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Éxodo 14:30

Ca quesojo na'xa'a, ca ñi qara'gaxala' nca'laxatec so Israel llaalqaipi queso Egipto laseripi. Ca' so Israel llaalqaipi ỹaatqajam iuanchigui na leuaxaiquipi hueeto'ot na lahi aso huaaxai queso Egipto laseripi.

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Oseas 1:8

Ca na' ime ỹaxanñi lillipaxac aso se qanqouaguegue, ca' aso late'e Gomer, ca lotqai liỹa 'man. Ca na'le, ca' ne'qaañi so llaalec ỹale.

Zacarías 4:6

Ca na'le, ca' so'maxare queetalec da letaxaỹaxac, 'naac: 'Neetasa' dá'maq letaxaỹaxac ñi qara'gaxala' taỹa'a so Zorobabel: Mesqai qaỹahote'e ca ỹalliripi nalauataxairipi chaqai da nquesaxanaxa, ta'ta'a quiyim qaỹahote'e so ñi'Espíritu, 'naac ñi qara'gaxala' sqaica lqalanec.

1 Samuel 17:47

Ca ná'ogue na qomyipi hueete'e najo lapoota'ta' ỹa'den quiyim ñi qara'gaxala' se ca'laqataxana ca lecat chaqai aca naqui. Ca' ñi qara'gaxala' nalauat nagui, ca ñi'maxare ỹo'uet quiyim qamiri qodoxonqa.