Oseas 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' aso Gomer lotqai liỹa 'man, ca 'ue aso llaale. Ca ñi qara'gaxala' 'naac queso Oseas: Ñitegue leenaxat se qanqouaguegue ayi nocto'lli', ma' tot yqouaguegue ma'le yi Israel. Tot sapalaxat na lasauaxaset.

Oseas 1:6 Iomraidhean Croise

2 Reyes 17:6

Ca na' ỹovite' saua nueve ñaxari quiyim nashi so Oseas, ca' so nashi quiyi Asiria loxonec yi Samaria. Ca' loxonqaipi so llaalqaipi so Israel, ca' i'xategue da Asiria. Ca ỹanalec yi 'laua leenaxat Halah, chaqai yi 'laua Gozán huaqate'e' aso lachiugue Habor, chaqai yi na'aateripi quiyi Media.

Oseas 1:8

Ca na' ime ỹaxanñi lillipaxac aso se qanqouaguegue, ca' aso late'e Gomer, ca lotqai liỹa 'man. Ca na'le, ca' ne'qaañi so llaalec ỹale.

Oseas 2:23

Sa'yiñi ma'le yi ỹalamaxareteripi quena 'laua, qaica ca taỹa'gue, qaỹimeta; ca' yqouaguegue ma'le añi leenaxat se qanqouaguegue, chaqai shinac ma'le quiñi leenaxat se ỹalamaxaret iuo': Ỹaatqajam qami' ỹalamaxaret. Ca ñi'maxare 'naac ma'le caỹim: Ỹaatqajam qami' qota'olec caỹim.

Oseas 2:4

Ñi qara'gaxala' 'naac: Ỹim se yqouaguegue na llaalqaipi, ma' na'maxare chicqaugui da nedequenaxac.

Amós 7:8

Ca' yinat: —Amós, ¿negue' ná'maq 'ajñisac? Ca' shinac: —Sa'ajantac ada 'imec lo'o lalamqataxanqate. Ca na'le, ca 'naac caỹim: —Ca' cadajo lalamqataxanqate ca 'imec lo'o, ca' sa'den ma'le ca lalamaxa ca la'deenataxanaxac na ỹalamaxareteripi Israel llaalqaipi. Ca ma'le, ca' tot qaica ma' liỹa yqouaca'gue quet.

1 Pedro 2:10

Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.