Oseas 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca na'le, ca 'naac ñi qara'gaxala', 'naac queso Oseas: Leenaxat nqai'ñi' Jezreel yi noctoqui', ma' sqaỹaloq sa'ue ca nouaxanaxaset na llaalqaipi ñi nashi Jehú sauaxat da lalauataxanaxac na'le quiyi Jezreel. Ca sa'ue lqodoc da lo'ueenataxanaxac quiyim ỹoiquentac yi Israel.

Oseas 1:4 Iomraidhean Croise

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Isaías 8:3

Ca na' ime, ca ỹapa'ñi' añi ỹoua ñí'maq qota'olec letaxaỹaxaqui, ca ñi'maxare 'man, ca 'ue so llaalcoqui'. Ca na'le, ca ñi qara'gaxala' 'naac caỹim: —Leenaxat nqai'ñi' Qaỹaloq nouootaxanaxac chaqai nalauataxanaxac.

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Jeremías 20:3

Ca' queso liỹa nete'e, ca relaataxana'a quiyim qanaqatec so Jeremías queso ncoñiitaxanaxaqui, ca' so Jeremías 'naaco' na'le queso'maxare: —Qami' Pasur, ñi qara'gaxala' qota'olec ỹadalaxat da qadeenaxachi', ỹanegue qami' nalolec ná'ogue da nqolonaxa.

Jeremías 3:8

chaqai iuana qai'neeta quiyim ỹim salat aso npa'guenaxai Israel, chaqaida da nedequenaxac sougui. Qam añi Judá ñí'maq se na'maxat lqaỹa añi Israel, se no'chi, lama'xa que'uegue da nedequenaxac.

Oseas 1:6

Ca' aso Gomer lotqai liỹa 'man, ca 'ue aso llaale. Ca ñi qara'gaxala' 'naac queso Oseas: Ñitegue leenaxat se qanqouaguegue ayi nocto'lli', ma' tot yqouaguegue ma'le yi Israel. Tot sapalaxat na lasauaxaset.

Oseas 1:9

Ca na'le, ca 'naac ñi qara'gaxala' queso Oseas: Yi noctoqui' ñitegue leenaxat se ỹalamaxaret iuo', ma' qamiri totqai qamiri ỹalamaxarete', chaqai ỹim totqai ỹim qota'olec caqamiri. (1.10—2.3 Yi Israel qaỹopilaxachichigui ma'le da 'au no'ueenataxac.)

Oseas 2:13

Sa'ue ma'le da nouaxanaxaset quesá'ogue so 'auaxaic na'xataripi na' ỹahotaque na lichiinaxanaxat quena lashiilqaipi, na' ỹa'ue na no'ueetaxat lichicshaqate chaqai ana lqola, ma' ỹahotaque queeta'pegue' ná'maq nqo'ta añi'maxare, ca' coua'e aỹim. Ỹim na'gaxala', se'taxajñi da ỹa'qaatec.

Oseas 2:22

na 'laua saachiguit na trigo, na lataxa chaqai na aceite, ca naua'que nemerashiguim ma'le, 'nerac: Ñi qota'olec danaxan.

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:31

Nagui qami' 'manaxai ma'le. Ime, ca 'uo' ca qachaalqui'. Ca' ỹañitegue leenaxat Jesús.

Lucas 1:63

Ca' so leta'a roỹaxanaque so leraxanaxala', ca' ỹiriñi: “Juan dá'maq leenaxat.” Ca 'xoic da ne'laxa quedajo.

Juan 1:42

Na' ime, ca' so Andrés ỹauec so Simón, ỹauega yi neeta'ñi so Jesús. Ca' so Jesús co'na' idaana'guit so'maxare, ca 'naaco': —Qami' Shimoñi', ma' qami' llaalec so Jonás, qam nagui qadeenaxachi'o' Cefas —qam dajo neenaxat leloxoỹaxac quiyim Pedro, loqo'm qa'.