Oseas 1:2 - La'qaatqa ñi qota'olec Qota'olec & Qota'olec Novita Na Qomyipi

² Ca só'maq la'qaatec ñi qara'gaxala' só'maq ỹahotaque ỹa'xat so Oseas 'neetasa': Na naalec na 'laua Israel 'ec nedequen, ca' noỹootec caỹim. Ca' qami' denaxachichirigui, mo'e', daañiraque aca roua'e' nanatqa lo'o', ca' vite ca qachaalaxahi' caca'maxare, qaiyi llaalqa ma'le aca 'aalo nanatqa lo'o'.

Oseas 1:2 Iomraidhean Croise

Salmos 73:27

Ca ná'maq noỹootec caqami', ca' ileu ma'le; na'laañi nqai'ñi' ná'maq se ỹaqamaq quiyim quelec qami'.

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Jeremías 3:9

Ỹaatqajam qaica ca lqalaic nqai'en na' ỹo'uet dajo, ca na'axat na 'laua. Ỹaatqajam se ne'maxat caỹim ỹa'deetacoto naua le'cootal na qa' chaqai ana qo'paq.

Oseas 2:7

Que'uegue ma'le ná'maq nqo'ta añi'maxare, qam se ỹovirelec; 'xoic da limiitaxanaxac ma'le, idaantaque, qam se ỹanata. Ca ma'le, ca 'naac: Sopila ca 'auaxaic ỹoua, ma' queca'maxare paguec ya'maqachiguiñi na'le quenagui.

Oseas 3:1

Ca ñi qara'gaxala' liỹa 'naac caỹim: Mo'e', ca rqo'chita ma'le aca 'aalo nqo'itqate queca nauochaxaua chaqai nanatqa lo'o'. Ca' chaqaida 'neeta da iqo'iichi quena Israel laseripi, 'eno'm que'uegue na ỹoqa'a qota'olqaipi chaqai ỹa'ic ana naqaulata qoỹaanot na'maxare.

Marcos 1:1

'Eda 'neeto' na'le co'na' ñaqai chita'gue taañi da na'qaatec qaỹa'xatetac so Jesucristo só'maq llaalec ñi qota'olec.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

Apocalipsis 17:5

Chaqai qoỹeretalec na latap so neenaxat se re'oq ca leloxoỹaxac. 'Neetasa': “Ana chalego lecaic Babilonia, late'e aná'maq nedequenaxaipi chaqai ná'ogue ná'maq qanaqaica'a quena 'laua.”