Oseas 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Dajo dá'maq la'qaatec ñi qara'gaxala' ỹalamaxachichigui so Oseas, só'maq llaalec so Beeri, queso ñaxaripi na' nashillipi saua Uzías, Jotam, Acaz chaqai so Ezequías, saua'maxare nashillipi na'le quiyi Judá, chaqai so llaalec so Joás, leenaxat Jeroboam, nashi na'le quiyi Israel.

Oseas 1:1 Iomraidhean Croise

Isaías 1:1

Najo lere, lerecse so Isaías, llaalec so Amoz, chicqochigui so leuanaxanaxac chicqo'ot ñi qota'olec, taỹaugui yi Judá chaqai yi Jerusalén quesaua ñaxari na' nashil saua Uzías, Jotam, Acaz chaqai so Ezequías quiyi Judá. 'Naaco':

Isaías 7:1

Ñi nashi quiyi Siria, leenaxat Rezín, chaqai ñi nashi quiyi Israel, leenaxat Peka, llaalec so Remalías, iloquine' na'le yi Jerusalén, ỹahosaque naqachiñi, qam se ishite'. Dajo viichigui na' so llaalec so Jotam chaqai laual so Uzías, leenaxat nashi Acaz, na'le quiyi Judá.

Jeremías 1:2

Ñi qara'gaxala' netaxaỹa'ña so Jeremías na' so Josías, llaalec so Amón, mashic sham ỹovi' trece ñaxari quiyim nashi quiyi Judá.

Jeremías 1:4

Ñi qara'gaxala' ỹalamaxachichigui aỹim, ca' 'naapiguiỹa':

Joel 1:1

Dajo dá'maq la'qaatec ñi qara'gaxala' 'naac na'le queso llaalec so Petuel, leenaxat Joel.

Amós 1:1

Dajo dá'maq la'qaatec na'le so Amós. So'maxare icoñiguit chicqo'ot ñi qota'olec quedá'maq 'neeta yi Israel, na' saqa'lecaua dos ñaxari quiyim novi' so quiyim i'loxol na 'laua, na' ñaqai neetaho quiyim nashi so Uzías quiyi 'laua Judá, chaqai so llaalec so Joás, leenaxat Jeroboam, nashi quiyi 'laua Israel.

Jonás 1:1

Ñi qara'gaxala' qota'olec ỹalamaxachichigui so llaalec so Amitai, leenaxat Jonás, 'naaco':

Miqueas 1:1

Dajo dá'maq la'qaatec ñi qota'olec ỹilenegue quiyim ỹa'xat so Miqueas só'maq na'ñi yi Moreset, chaqai ỹa'deenaxanaxanegue da leuanaxanaxac quedá'maq 'neete' ma'le yaua Samaria chaqai yi Jerusalén, na' ñaqai neesaho quiyim nashil quiyi Judá saua Jotam, Acaz chaqai so Ezequías.

Juan 10:35

Qam qomi' sa'deenqata quiyim naua naneresañi la'qaatqa ñi qota'a naua'maxare sqaica ỹoqolliguite', ma' quiyim ñi qota'olec ỹamata'gue qota'olqaipi só'maq icoñiguit da la'qaatec.

Romanos 9:25

Ca' ipaquichiguilo naua naneresañi la'qaatqa ñi qota'a hueesalec aso leraxanaxalate na'le so Oseas, 'neracsa': Ná'maq se ỹalamqateripi, qam samata'gue ỹalamaxareteripi ma'le, chaqai ná'maq se se'xoren, ca samata'gue i'xorenatec ma'le.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.