Números 6:3 - La'qaatqa ñi qota'olec Qota'olec & Qota'olec Novita Na Qomyipi

³ ca' se ni'chigui na lataxa, chaqai sqaica ni'chigui quena quiñiuguetqataxan, chaqai na lochiviaxaic lataxa, chaqai canchaqaica liỹa quena qani'chigui, loqo'm ca nelamecsec li'i ana 'uva. Chaqai se ỹa'ic ana 'uva la chaqai ana nelamecse 'uva nashiviaqata.

Números 6:3 Iomraidhean Croise

Amós 2:11

Ca' mesqai qollictaxañii, qamiri Israel llaalqaipi, ma' caqamiri sachigoxotaugui na'le na' sa'ue ca itaxaỹaxaqui chaqai ca nazareo cá'maq nomatalta' quiyim ro'ueenataxanot aỹim. Ỹim na'gaxala', se'taxajñi dajo.

Amós 2:12

Qam qamiri 'xoic da repagaxalliguii quiyim ne'taxañigui na lataxa na nazareo ná'maq nallitalta' quiyim se ne'et, chaqai sqai 'maxariñii quiyim na itaxaỹaxaquiripi ỹa'xate' naua ỹa'qaatqa.

Números 6:4

Quiyim saqa' ỹomat cá'maq laloqojnec quecá'maq la'qaatec quiyim nco'taxateta, ca ca'maxare se ỹa'ic canchaqaica chicqaugui ana 'uva.

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 21:34

Rovichiỹari'o', 'neeto' 'xañii'tegue ca la'ñaxac añi re'taxanatahi sauaxat ca ramaanaxanaxahi quenanchaqaina chaqai quena lataxa, chaqai ná'maq liỹa nouenqaipi quiyi na'xa'a, qaiyi cajo na'xa'a se i'laxatete' qamiri,

Efesios 5:18

'Neeto' lotqai rquiñiuguichii, ma' dajo tai'a quiyim na'laañi nqai'en ca qom. Ta'ta'a quiyim no'qaachiguilo qamiri queso Espíritu Santo.

1 Tesalonicenses 5:22

Sqa 'iỹapegueu'a ná'ogue ná'maq se ỹa'maxañi.

1 Timoteo 5:23

Ma' chaqai 'neetari' quen quiyim vichisapigui na qavilli', ca' nagui, ca se nodaqajanchiriñi na huaxaỹaq ni'chiisapigui, vito' ca ni'chirigui quena lataxa, qam sqai 'xoic.

Hebreos 9:10

Ma' da'maxare chaqaidaata dá'maq re'qoochigui nqui'ỹaxac, chaqai da 'taxac chaqai ná'maq ỹoreta'oguit quiỹoxoc, quená'maq chi no'ueenataxac na qaroshicmaxa. Ca' dajo ñaqa 'ue nqai 'negue, toco' ma' ñi qota'a ỹadalaxat da no'ueenataxac na'maxare.

Jueces 13:14

Quiyim se ne'et quena lataxa, chaqai canchaqaica liỹa chicqaugui ana 'uva, chaqai canchaqaica liỹa lataxa chim. Chaqai se ỹa'ic ná'maq se na'ic. Ta'ta'a quiyim na'xaỹaxane'ta dá'maq shinapega.

Jueces 13:4

Qam se ni'chirquio' na lataxa chaqai canchaqaica liỹa 'taxat chim, chaqai qaica ca 'qui' quená'maq se qaỹa'ic,