Números 6:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ñi qara'gaxala' ỹaanem qami' ca no'uen qayicyaxaqui' chaqai quepaqataxanlec qami';

Números 6:24 Iomraidhean Croise

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

2 Samuel 7:29

Ca' vichiguiño' nagui machiralec da rqouagaxa'e' da ỹo'ueenataxanaxac quiyim ỹim nashi chaqai na ỹaalqaipi, qaiyi se neme si'iitacot qami'. Qami' ỹa'gaxala' qota'olec, dá'maq chaqai chaxañi'sac chaqai da rqouagaxa'e' se neme hueetalec da ỹo'ueenataxanaxac quiyim ỹim nashi chaqai na ỹaalqaipi. (8.1—10.19 So David 'xoic na naqajñi na'aateripi, ca' i'taxajñi quiyim ỹoiquentac yi Israel. So David nqouaguegue so Mefi-boset, llaalec so Saúl. So David loxonec so llaalqaipi so Amón chaqai so qomyipi na'ñi yi Siria.)

Salmos 91:11

ma' ñi'maxare ila' ma'le na lelaatqaipi piguim laseripi, ca na'maxare reloqota'a qami' quecanchaqai vi'sa'gue.

Isaías 42:6

Ỹim na'gaxala', soỹaxana qami', secona da rqai'laxachi', qaiyi so'ueenataxana qami' queda nca'laxa; ỹim so'viichi', ma' sahotaque quiyim qami' netanec queda ña'deenaxac quena ỹalamaxareteripi, chaqai ncoỹeraxanaxat quená'ogue na ỹoreta'oguit qomyipi.

Juan 17:11

Ỹim totqa senalec na 'laua, qam naua'maxare no'ueendalec na 'laua. Ma' ỹim shic saiquena, qaiyi qoma'que quecá'maq senqata'ñi. Qami' ita'a, ma' qami' co'teeta, vise'e da rquesaxanaxa'e' quiyim quepaqataxañiseguelec ná'maq nañaañi', qaiyi ná'ogue neconta'ta', 'neesari' maỹim caqami'.

1 Corintios 14:16

Ma' no'm qami' maqachiñi'sac ñi qota'a, qam nodaatec ñi ra'alli', ca no'm na'xaỹaxantac ca saqa'leca ca ỹa'den, ca se ỹalecau'a ca nqouagaxainaxaqui' quiyim 'ỹaañisacot da na'aachicyaxaqui' ñi qota'a, ma' se ỹa'den dá'maq 'xachisac.

Efesios 6:24

Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Filipenses 4:23

Ca' so qara'gaxala' Jesucristo ỹaanema qamiri da lqouagaxa. Ajá'a, chaqaida 'neeta dajo.

Filipenses 4:7

Ca' ñi qota'a ỹaanema qamiri ma'le da la'maxa napacalec ná'ogue na la'deenaxanaxa na qomyipi. Ca' dajo na'maxa quepaqataxanlec añi re'taxanatahi chaqai da ra'deenataxanaxaguii ma' na'yiitau'a so Cristo Jesús.

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

1 Pedro 1:5

Ma' qamiri 'ue da rpi'ỹaxaguii quiñi qota'a, ca ñi'maxare quepaqataxanlgoto qamiri queda lquesaxanaxa, qaiyi viriỹau'a da rca'laxahi ỹahotaque ỹachaxanema qamiri quecaua pa'aaterec na'xata'.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

Rut 2:4

Ca nachinchiquio' novirec so Booz, chicqau'a yi Belén, ca iquino' so naqataxanyipi. —¡Ñi qara'gaxala' liỹareta'pe qamiri! Ca' so naqataxanyipi 'naaco': —¡Ñi qara'gaxala' ỹaanem qami' ca no'uen qayicyaxaqui'!

1 Samuel 2:9

Ñi'maxare cochiỹalo caua lqauaxaqui' cá'maq qamaxaraic quiñi'maxare, qam na hualoxonyipi ileuaugui nqai'en na napalaxa, ma' qaica quet cá'maq doxonaxan chicqochigui cá'maq chi lquesaxanaxa.