Números 6:23 - La'qaatqa ñi qota'olec Qota'olec & Qota'olec Novita Na Qomyipi

²³ —'Ñirapega ñi Aarón chaqai na llaalqaipi quiyim ma' ỹaanem da no'uen llicyaxac na Israel llaalqaipi, ca 'ne'teco'yi ca la'qaatec:

Números 6:23 Iomraidhean Croise

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 47:10

Ca co'na' ime, ca' so Jacob niquine'e' so Faraón, ca' pilec queca la'a'.

Génesis 47:7

Ca' so José ỹauego qai'neeta so leta'a Jacob quiyim nauañiguit so Faraón. Ca' so Jacob niquine'e' so Faraón, ỹa'maxate'tegue da liquinaxanaxac.

Génesis 48:20

Ca' quesojo na'xa'a, ca' so Jacob ỹaanema saua'maxare da nqouagaqa', 'naaco': —Na llaalqaipi na Israel ỹouen ma'le da qadeenaxachii quiyim ỹaanec ca no'uen ñicyaxac, chaqai qohinac: Ñi qota'olec 'ne'tegue caqami' dá'maq 'ne'tegue na'le queso Efraín chaqai queso Manasés. Ca' da 'ne'teco' na'le so Israel 'au nqai'en so Efraín queso Manasés.

1 Reyes 8:55

Ca' so'maxare nachajñi, ca' ỹaanem da nqouagaxa sá'ogue so llaalqaipi so Israel, ỹaatqajam nelamaxaren, 'naaco':

Números 6:22

Ca ñi qara'gaxala' ỹalamaxachichigui so Moisés, ca 'naaco':

Romanos 1:7

Shiriñi dajo, tai'alo nqaishine' qamiá'ogue qamiri ñiita'ñi na na'a' lodegaxat Roma. Ma' nqo'talo qamiri ñi qota'a chaqai roỹaxanalo qamiri quiyim machii'ot da nachaalataxaguii. Ca' coñiguit da lqouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

1 Corintios 1:3

Sahotaque coñiguit da qouagaxa chaqai da na'maxa chicqo'ot ñi qota'a chaqai so qara'gaxala' Jesucristo.

2 Corintios 13:14

Chaqai coñiguit da lqouagaxa so qara'gaxala' Jesucristo, chaqai da le'xorenataxanaxa ñi qota'a, chaqai quiyim ỹalequetauguilo qamiri so Espíritu Santo. Ajá'a, ca' chaqaida 'neeta dajo.

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

Hebreos 7:7

Ca' qaica quet cá'maq ỹoqolliguit dajo quiyim cá'maq ỹaan ca qouagaxa paguec lecaic quecá'maq nqouaguegue.

1 Pedro 1:2

quená'maq ñi qota'olec lca'acse', nachiñi'chiguit nqai'en dá'maq shi'co' ỹahotaque na' saqa'leca na 'laua. Chicqochigui nqai'en so ne'Espíritu quiyim ỹoỹoote'ogalo qamiri, qaiyi na'xaỹaxañiỹa, chaqai qaiyi co'taxate' qamiri, ỹahota'ahi saua leuo' so Jesucristo. Ca' coñiguit dá'maq chalego lecaic nqouagaxahi chaqai da ra'maxahi.

2 Juan 1:3

Ñi qota'olec chaqai so qara'gaxala' Jesucristo, llaalec ñi qota'a, ỹaanema ma'le qamiri da lqouagaxa chaqai le'xorenataxanaxa chaqai da neuagaxa. Ca coñiguit ma'le qamiri quiyim ỹaatqajam 'yiiñii da na'qaatec ỹaatqajam lliqueta chaqai quiyim ne'xoriñiỹata'.