Números 24:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ñi qota'olec ñí'maq naqata'a na'le quiyi Egipto yi'maxare, ca' quiyi'maxare 'neetari' aca tooro lasote quiyim reloquilec. Na Israel llaalqaipi ỹaatqajam nimiichiguiñi nqai'en ma'le ná'ogue na ỹoreta'oguit qomyipi pa'guenaxantac; ỹaqaguit na lpi'nec chaqai que'maqachit, ỹahote'e na lovic.

Números 24:8 Iomraidhean Croise

Salmos 2:9

Ca' viise'e ca rashillichi' lecat, ca nopoxoỹaxachiriñi na nashillipi; ¡ca poxoỹaxachirigui 'ec nqai'ñi' aca 'ueena 'laua!

Salmos 45:5

Qami' nashi, qadoxonqui' na 'xoic qomyipi; na roviqui' shitaxarai, taachigui añi le'taxanata na npa'guenaxaua'e'ipi.

Salmos 45:6

Qami' qota'olec, quiyim 'viiquiñi'sac najo sqaica lqodoc, qaica ca liỹa taỹa'gue, qaidaata da ỹa'maqachiguiñi.

Daniel 6:24

Ca na' ime, ca' so nashi relaataxan quiyim qoyigue'ogalo sauá'maq ỹale' sauá'maq 'em 'ue da qohine'tegue so Daniel, liỹaresaho nqohine' saua loua' chaqai saua llaalqa. Ca qainaxari'ñigui aso tema hueeta'ñigui so sauaxaic leta'allipi; ca na' saqa' ỹovichiñi saua'maxare cañi tema, ca chaqa'ma' qaỹopoxoỹaxatañi queso sauaxaic leta'allipi.

Números 14:9

Qam 'neeto' sqai viilec ñi qota'olec chaqai se ro'chiỹa yí'maq qomyipi neetalec yi'maxare. Ma' yi'maxare sqaica sauaqaque ma'le, ma' yi'maxare qaica cá'maq ro'ootaxanlec. Qam quená'maq qomi' 'ue ñí'maq qara'gaxala'. ¡Sqaica ro'chiỹaque!

Números 21:5

Ca' 'ue da ỹa'xat se no'uen quiñi qota'olec chaqai queso Moisés. 'Naaco' quen: —¿Negue' cá'maq 'neco' quiyim naqachiu'alo qomi' quiyi Egipto? Chaqai ¿viitaco' qareleualec na 'laua qaica qom? Qaica ca qaraquip chaqai ca qonoq. Ca ¡mashic qaramaqa'gue ná'maq sa'guinqatac qaica ca loyac!

Números 23:22

Ñi qota'olec ñí'maq naqata'a na'le quiyi Egipto, quena'maxare 'neetari' ana lasote na tooro quiyim reloquilec.

Números 23:24

Najo qomyipi quiyim ne'laxashiguim ỹaatqajam qaica 'nejem da lichic 'ec ca regat, chaqai se nco'matec quiyim saqa' qo'oc cá'maq letoc, quiyim saqa' ni'chiguilo caua leuo' ca loxonec.

Mateo 2:15

Ca' neesa'gue da'maxare, chi ỹovireto'o' na' ileu so Herodes. Ca' dajo 'neeto' na'le, qaiyi ipaquichigui da la'qaatco' na'le ñi qara'gaxala' queso la'qaataxanqajnec co'na' 'naac: “Soỹaxana ñi ỹaalec quiyi Egipto.”

Deuteronomio 7:1

Ñi na'gaxala' ñí'maq qota'olec caqamiri inoxonaqta'a ma'le qamiri ca 'laua cá'maq ñiỹalec ma'le. Ca ỹo'daauec ma'le huañichigui ca siete ỹoreta'oguit qomyipi paguec lecaic chaqai paguec lquesaxanaxa caqamiri: na hitita laseripi, na gergeseoipi, na amorreoipi, na cananeoipi, na ferezeoipi, na heveoipi chaqai na jebuseoipi.

Josué 2:10

Ma' sa'deenaq na' qamiri noxoñiuec quiyi 'laua Egipto, ca' ñi qota'olec shicchigui nqai'en so huaxaỹaq caso huaaxai leenaxat toc, qaiyi qamiri shichii paguiỹa'ta. Chaqai qai'neeta sa'deenaq nomachiichiguiñi yi Sehón chaqai Og saua dos lashil na amorreo laseripi quená'maq pa'aata'gue da lahi aso lachiugue Jordán.