Números 24:7 - La'qaatqa ñi qota'olec Qota'olec & Qota'olec Novita Na Qomyipi

⁷ Na llaalqaipi so Israel ỹaatqajam se ỹouen na laquip, quiyim ni'chigui chaqai quiyim locoraxat ca lanec. Ñi lashi loxonec ma'le ñi nashi Agag; da lquesaxanaxa ñi nashi ỹaatqajam chalego lecaic.

Números 24:7 Iomraidhean Croise

2 Samuel 5:12

Co'na'le, ca' so David ỹa'den quiyim ñi qara'gaxala' chaqaiñi ñí'maq ỹano quiyim nashi quiyi Israel, ca' noquiigaxatec da lo'ueenataxanaxac quiyim reloxoỹa'a so llaalqaipi so Israel. (5.13-25 Noxonec so filisteoipi.)

1 Reyes 4:21

Ca' so Salomón ỹaatqajam 'xoic da lecaic quiyim nashi. Ca ỹomata'ta' quiyim reloxoỹa'a yi neeto'ot aso lachiugue Eufrates yí'maq pa'a'gue da lqodoigue, ỹovira'ta'a yi la'a' na filisteoipi pa'a'gue da lauashiguim, chaqai ỹovira'ta'a na lqodoc yi Egipto pa'a'gue da 'guiñi. Ca sá'ogue so'maxare ishiuetentac so Salomón, ma' qoyiueto'ot da lo'ueenataxanaxac na' ñaq nca'leetauec so'maxare.

1 Reyes 5:1

Ca co'na' so Hiram, só'maq lashi yi na'ñi yi Tiro, co'na' 'ue da la'xaỹaxac quiyim so Salomón qoỹano quiyim nashi, qoỹanagui da lo'ueenataxanaxac so leta'a David, ca so'maxare ila' so letaxaỹaxanqajanqaipi, ma' so Hiram chaqai'en nauochaxaua so David.

Ester 3:1

Ca co'na' mashic shi'gom quedajo, ca' so nashi Asuero nqo'naxajshiguim queda lo'ueenataxanaxac so Amán, só'maq llaalec so Hamedata, so'maxare chigoxougui so Agag. Ca' so Amán qoỹanagui quiyim la'gaxala' na nashillipi.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 17:1

Na'le, ca' naari' so 'óna quesaua siete nelaatqa piguim lase' só'maq no'qoota'alo saua siete 'taxaqui'. Ca 'naapiguiỹa': —Ỹala'e' na'itquena, sachaxanem aqami' dá'maq nouaxanaxaset añí'maq 'aalo ỹaatqajam nedequenaxai, añi'maxare nqa'xantalec na huaaxaipi.

Apocalipsis 17:15

Qai'neeta 'naac caỹim so nelaatec piguim le'ec: —Só'maq huañita huaaxaipi só'maq nqa'xantalec aso nedequenaxai, na'maxare chaqaina ná'ogue na qomyipi ỹoreta'oguit na la'qaatec.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”