Números 24:6 - La'qaatqa ñi qota'olec Qota'olec & Qota'olec Novita Na Qomyipi

⁶ Mashic 'ec chalego ladogolec chaaviquipi ỹo'viiquichiguiñi, chaqai 'nejem ca nanaxanqa' hueeto'ot na lahi aca lachiugue, chaqai 'nejem ana áloe, lanecse ñi qara'gaxala', ¡chaqai ana cedro hueeto'ot na lahi ca huaxaỹaq!

Números 24:6 Iomraidhean Croise

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Salmos 1:3

Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Salmos 104:16

Nomat na laquip ana qo'paq, leenaxat cedro na'ñi yi Líbano, ná'maq lanecse ñi qara'gaxala'.

Salmos 45:8

Ná'ogue na qatooỹaqui' no'qaachigui quena coraxat lo'daxaraic lahita leenaxat mirra, áloe chaqai canela; ỹo'uet da netoonaxaqui' quiñi qauochi' lodegaxat lo'ueetqate ana ladocoloue quena' qaiviiguigui ana niviigue 'vii naua lequeete'.

Isaías 58:11

Ca' ỹim se neme sashaxañi'sac chaqai 'xoic nqaishin ca qanoqe' quiyi 'laua qaica qom, sa'ue lquesaxanaxa na roshicmaxa'e', 'ec nqaishin qami' ca nanaxanqa' se neme ỹaquitetalec, 'ec ca ne'paxantashiguim huaxaỹaq se neme.

Jeremías 17:18

'Viichi' ca ne'naxac ná'maq se yayaxanac, qam mesqai 'viichi' ca ñi'naxac; quiyim na'maxare no'chi nqai'ñi', qam ỹim se yo'chi. Vite quiyim taalec nqai'ñi' ca le'xoric, ná'ogue na'lliichiguiñi nqai'ñi', qaica 'nejem ca le'xoric nqai'ñi'. (17.19-27 Se qanapacalec yi na'xa'a co'mataxaqui.)

Jeremías 31:12

Nanaqueta, qam ro'ueenaxanta'guit queda netoonaxac quena qoỹoqoshi'ma quiyi Sión, ỹaatqajam le'eetaxat da lqouagaxa ñi qara'gaxala': na trigo, na lataxa chaqai na aceite, na qagreta chaqai ana huaca. 'Neetari' ca nanaxanqa' 'xoic na naquitaxa chaqai tot na'laañi da lquesaxanaxa.

Ezequiel 47:12

Ca' quenaua lahil aso lachiugue, ca' ñaxat ana ỹoreta'oguit qo'paq 'ue ana la. Chaqai se ỹauanapega quiyim 'ue aca najñi laue, chaqai se ỹauanapega quiyim qaica quet ca la. Quena' ỹovirec yi shiraigo, ca' lotqai 'ue ana la, ma' ỹaquiteta'ñot quena huaxaỹaq chicqau'a ñi no'ueenaxanaxaqui. Ana la ỹa'maqachiguiñi qaỹa'ic, chaqai ana laue, ca' qanatarena. (47.13—48.35 Naua lqodoco yi na'laua na lalamaxareteripi ñi qota'olec. So ni'ic neuagaxachigui yi 'laua. Naua lasomi' yi Jerusalén.)

Números 24:5

¡Jacob, chalego loyaague' naua qauootochi' na'derañi! ¡Qami' Israel, chalego loyac na nco'matqachi'!