Números 24:3 - La'qaatqa ñi qota'olec Qota'olec & Qota'olec Novita Na Qomyipi

³ Ca co'na'le, ca' so Balaam 'ue ca la'qaatec, 'neetasa': Da la'qaatec na Balaam ná'maq llaalec ñi Beor, ná'maq ỹale ỹaatqajam qoỹoqo'tegue da leuanaxanaxac;

Números 24:3 Iomraidhean Croise

1 Reyes 22:17

Ca' so Micaías 'naaco' queso'maxare: Ỹim seuana ná'ogue na llaalqaipi so Israel neuagaxatetac quenaua quemaralgoto qa' ladocahi, 'ec ana qagreta quiyim qaica ca neloxoỹaq. Ca' ñi qara'gaxala' da la'qaatec 'neetasa': Najo qomyipi qaico' ca na'co'; ca' no'uen quiyim quiñi 'óna pila'a cá'maq chi la'a', ca' sqaicanqaida.

1 Reyes 22:19

Ca' so Micaías lotqai 'naaco': —Quedá'maq 'ñirac nagui, ca' na'xaỹaxañita dá'maq la'qaatec ñi qara'gaxala': Seuana ñi qota'olec nqa'xantañigui añi nqa'xanaxaqui quiyim nashi, chaqai ná'ogue na lelaatqaipi piguim laseripi ra'iito'ot, hueeta'gue da loic chaqai da nemaq.

Números 22:31

Co'na'le, ca' ñi qara'gaxala' ỹo'uet quiyim so Balaam iuane'ta so lelaatec ñi qara'gaxala' hueeta'ñigui na lavinñi so nayic, lo'qoota'a so lecat. Ca' so Balaam ỹa'chi'iñi naua le'cootal, ca ỹoviraqta'guit na latap na 'laua.

Números 23:18

Ca' so Balaam ỹa'xato' dá'maq la'qaatec ñi qota'olec, 'neetasa': Qami' Balac, qami' llaalec so Zipor, ỹaatqajam na'xaỹaxañiteta aỹim.

Números 23:7

Ca' so Balaam ỹa'xate' daua la'qaatqa ñi qota'olec: Ỹim sachicqochi'ñi yi 'xoic ana qa' ladocai queda lqodoigue quiyi Aram, ñanaiquena nqai'en ñi Balac, nashi quena Moab. Dá'maq 'naac na'le 'neetasa': Na'itquena, qaiyi naqairelec ca se no'uen ra'qaachiqui' na Israel llaalqaipi, naqairelec ca se ỹa'maxañi ra'qaachiqui' na lauo' so Jacob.

Números 24:15

Ca' so Balaam co'na' retaqa 'naaco': Da la'qaatec najo Balaam llaalec ñi Beor, najo ỹale ỹaatqajam qoỹoqo'tegue da leuanaxanaxac,

Números 24:16

na'maxare quena' ỹovitot da leuanaxanaxac ỹaatqajam re'qootec nqai'en, chaqai ỹa'deene' nauá'maq qaỹachaxanema quiñi qota'olec ñí'maq ỹomatalecna, chaqai quiyim icoñiguit ca na'qaatec chaqai na leuanaxanaxac chicqo'ot ñi qota'olec ñí'maq qaica lqalanec.

Números 24:4

ca quena' 'ue ca iuana, ca' ỹaatqajam re'qootec da leuanaxanaxac, ca' 'vii naua qaỹauanaxanaxanque, chaqai 'vii naua qaỹa'deenaxanaxanque chicqo'ot ñi qota'olec ñí'maq qaica ca lqalanec.