Números 24:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ 'Ue ñí'maq ya'iita'a ma'le, ỹaatqajam qoỹoqo'ta ñí'maq ñi'pelaxanta'a: ñijo 'ec ana huaqajñi chicqochigui ñi Jacob, ñijo nashi ne'laxashiguim ma'le quena Israel. Ca' co'vigui na lqahic na llaalqaipi so Moab, co'vigui ná'ogue na llaalqaipi so Set.

Números 24:17 Iomraidhean Croise

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Salmos 110:2

Quena Sión ñi qara'gaxala' qota'olec ỹaanem qami' so lashile' hueetagui da lquesaxanaxa, qaiyi 'viiquiñi'sac na npa'guenaxaua'e'ipi.

Salmos 45:6

Qami' qota'olec, quiyim 'viiquiñi'sac najo sqaica lqodoc, qaica ca liỹa taỹa'gue, qaidaata da ỹa'maqachiguiñi.

Números 24:16

na'maxare quena' ỹovitot da leuanaxanaxac ỹaatqajam re'qootec nqai'en, chaqai ỹa'deene' nauá'maq qaỹachaxanema quiñi qota'olec ñí'maq ỹomatalecna, chaqai quiyim icoñiguit ca na'qaatec chaqai na leuanaxanaxac chicqo'ot ñi qota'olec ñí'maq qaica lqalanec.

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Hebreos 1:8

Qam quesó'maq llaalec, ca 'naaco': Añi nqa'xanaxagui'i' quiyim qami' qota'a, ñi'maxare qaica ca lqodoc; chaqai da ro'ueenataxanaxaqui' quiyim qami' nashi, ỹaatqajam ỹa'maqachiguiñi.

Hebreos 7:14

Ma' ỹaatqajam qaỹa'deenta quiyim so qara'gaxala' chigoxougui so Judá ni'ic, qam so Moisés qaica ca 'naac na'le quesojo ni'ic na' ỹa'xat da 'neeta na netaxaỹaxanqajanqaipi.

2 Pedro 1:19

Qam qai'neeta 'ue da liỹa paguec 'chichiguiñi, ca' dajo chaqaida dá'maq la'qaataxanaxague' saua letaxaỹaxanqajanqa ñi qota'a mashic qoỹeretañi. Ca' qamiri 'maxaraic quiyim ỹaatqajam na'xaỹaxañii'ta dajo na'qaatec, ma' 'neetari' aca ncoỹeraxanaxaqui naviguec queca lapalqa', ỹovireta'a quiyim mashic richi'guit ca na'xa'a chaqai aca huaqajñi nete'ese nenoxonshiguim, ca' coỹarelgoto naua re'taxanatahi.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 22:16

—Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.