Números 24:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ajá'a, sopil quecá'maq chi ỹa'a'. Qam nagui ma' saqa' seloqouec, ca' sahotaque sa'xachiraxarom dá'maq 'neeta ma'le yi qomyipi quena qauochi' laseripi.

Números 24:14 Iomraidhean Croise

Génesis 49:1

Ca' so Jacob roỹaxane'oga so llaalqaipi, ca 'naaco' quesaua'maxare: —Nqo'ñiiuo caỹim, qaiyi sa'xatema qamiri dá'maq ñaqa naataho viriỹau'a ma'le:

Oseas 3:5

Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)

Miqueas 6:5

Qamiri ỹalamaxarete', ñaq no'viñigue nagui dá'maq na'deenaxac na'le so nashi quiyi Moab leenaxat Balac quecá'maq sham 'neeta'guelo qamiri, chaqai dá'maq la'qaatec na'le só'maq llaalec so Beor leenaxat Balaam. No'viñigue na' chigoxoichi'ñi yi Sitim, ca 'iỹa'gue da Gilgal, chaqai 'yiiñira'a quiyim so'ootaxanteguelgoto qamiri na'le.

Números 24:17

'Ue ñí'maq ya'iita'a ma'le, ỹaatqajam qoỹoqo'ta ñí'maq ñi'pelaxanta'a: ñijo 'ec ana huaqajñi chicqochigui ñi Jacob, ñijo nashi ne'laxashiguim ma'le quena Israel. Ca' co'vigui na lqahic na llaalqaipi so Moab, co'vigui ná'ogue na llaalqaipi so Set.

Números 24:25

Ca co'na' ime dajo, ca' so Balaam eec quepegue' ca la'a'. Chaqai so Balac qai'neeta pil. (25.1—36.13 Ñi qota'olec se ỹa'maxaren qanqouagaxainot so nashiilec Baal. Qoỹiriñi qaiyi qaỹa'den ỹorete' so llaalqaipi so Israel, qaiyi qaneuagaxachigui yi 'laua queso ni'ic. So Moisés nca'au'a só'maq pa'a'ñi ma'le yi loma', ca' icona'a so Josué. Ỹa'xat dá'maq llicyaxac chicqota'gue da Egipto, ca' ỹovita yi Moab. Qaỹapaxaguine'tegue dá'maq 'ne'tegue ma' pacta aso lachiugue Jordán.)

Hechos 2:17

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

2 Timoteo 3:1

Chaqai qai'neeta 'yiiñi' ma'le ma' nepalata ca nqodoc, ca' novirero naua na'xata' 'xoic lqalaigue'.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 2:14

Qam 'vii nauá'maq se yqo'talo caqami'. Ma' quená'maq ñi'sa'ñi Pérgamo ñaqa 'vii nauá'maq saqa' ỹaxañiñi da lapaxaguinataxanaxac so Balaam, só'maq 'naapego' na'le so Balac quiyim so Israel llaalqaipi ỹa'ic ná'maq nachitaxanataxanaxat mashic qoỹaanot ca nashiilec nqolac, chaqai quiyim queetalec da se no'uen lamaanaxanqachic na loshicmaxa, ca chicqochiquio' na'le ca lasauaxaset.