Números 23:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam ¿negue' quet cá'maq shinta'gue quet quiyim senaxalec quet cá'maq se no'uen cá'maq ñi qota'olec mashic ỹaanem da lqouagaxa? ¿Negue' quet cá'maq 'neeta quiyim sahotaque ca se no'uen quecá'maq nqouaguegue ñi qara'gaxala'?

Números 23:8 Iomraidhean Croise

Isaías 44:25

Ỹim se ipaguigui nqaishin ca la'qaatec ná'maq 'naac qota'olec letaxaỹaxaqui, ỹim so'uet quiyim ná'maq idaanau'a nanchaqaina chi ỹo'meetac. Ỹim so'uet quiyim na 'deenaxanqachaqaiquipi chi retaqata'ta' chaqai da la'deenaxanaxa, dá'ogue hualoxonqaishic.

Números 22:12

Co'na'le, ca' ñi qota'olec 'naaco' queso Balaam: —Totaxan oquiteguelo chaqai se na'aa ca naqairelec ra'qaachiqui' najo qomyipi, ma' najo qomyipi mashic shi'gue saanec da ỹa'qaatec quiyim ño'ueenaxat ca llicyaxac.

Números 22:6

Ca' ỹim sa'deenta quiyim 'ue ca naqairelec ca ra'qaachiqui' lo'yaxanec loqo'm ca se no'uen, qam ipaquichigui cá'maq 'ñirac. Ca' no'uen quiyim se naỹaloxoriñi' quiyim na'itegue najo, ca' se no'uen ca naqairelec ra'qaachiqui', qaiyi se no'uen ca llicyaxac ma'le najo qomyipi, ma' se yalo'guit na'maxare. Sha'apiguito' quiyim ỹoxonec na'maxare, ca' so'daauec quena ña'laua.

Números 23:20

Ỹim qanañaañim quiyim setaqa, qam saanec ca qouagaxa; ca no'm ñi qota'olec nqouaguegue, ca' ỹim se seshit squepaxat ca lqouagaxa.

Números 23:23

Quena llaalqaipi so Jacob qaica ca 'negue quiyim qainaxalec ca se no'uen, quena Israel llaalqaipi qaica nqai 'negue nqai'en cá'maq qohine'tegue ca ne'naxac. Ca' nagui qaidaata quiyim qohinac quena Israel: ¡Ỹaatqajam 'xoic na ỹo'uet ñi qota'olec caqami' ỹo'uet da ne'laxa!

Números 23:7

Ca' so Balaam ỹa'xate' daua la'qaatqa ñi qota'olec: Ỹim sachicqochi'ñi yi 'xoic ana qa' ladocai queda lqodoigue quiyi Aram, ñanaiquena nqai'en ñi Balac, nashi quena Moab. Dá'maq 'naac na'le 'neetasa': Na'itquena, qaiyi naqairelec ca se no'uen ra'qaachiqui' na Israel llaalqaipi, naqairelec ca se ỹa'maxañi ra'qaachiqui' na lauo' so Jacob.